/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/ZkDpBBr9M9xoU5Ka2XR3.jpg)
യുകെ: ഇന്ത്യയും കാനഡയും തമ്മില്‍ നയതന്ത്ര തര്‍ക്കത്തിന്റെ പശ്ചാത്തലത്തില്‍ കനേഡിയന്‍ നയതന്ത്ര ഉദ്യോഗസ്ഥര്‍ പിന്‍വാങ്ങണമെന്ന ഇന്ത്യയുടെ നിലപാടിനെതിരെ യുകെ. ഇന്ത്യന്‍ സര്‍ക്കാരിന്റെ തീരുമാനങ്ങളോട് യുകെ സര്‍ക്കാര്‍ വിയോജിപ്പ് പ്രകടിപ്പിച്ചു.
നയതന്ത്ര ബന്ധങ്ങളെക്കുറിച്ചുള്ള വിയന്ന കണ്‍വെന്‍ഷന്റെ ഫലപ്രദമായ പ്രവര്‍ത്തനത്തെ ഈ നീക്കം ബാധിച്ചതായി ഫോറിന്‍, കോമണ്‍വെല്‍ത്ത് ആന്‍ഡ് ഡെവലപ്മെന്റ് ഓഫീസ് (എഫ്സിഡിഒ) പ്രസ്താവനയില്‍ പറഞ്ഞു. നേരത്തെ ഇന്ത്യയുടെ നിലപാടില്‍ തങ്ങള്‍ ആശങ്കാകുലരാണെന്ന് യുഎസും അഭിപ്രായപ്പെട്ടിരുന്നു.
''ഭിന്നതകള്‍ പരിഹരിക്കുന്നതിന് ആശയവിനിമയവും നയതന്ത്രജ്ഞരും ആവശ്യമാണ്. നിരവധി കനേഡിയന്‍ നയതന്ത്രജ്ഞര്‍ ഇന്ത്യ വിടുന്നതിന് കാരണമായ ഇന്ത്യന്‍ സര്‍ക്കാര്‍ എടുത്ത തീരുമാനങ്ങളോട് ഞങ്ങള്‍ യോജിക്കുന്നില്ല, ''എഫ്സിഡിഒ പ്രസ്താവനയില്‍ പറയുന്നു.
'1961ലെ നയതന്ത്ര ബന്ധത്തെക്കുറിച്ചുള്ള വിയന്ന കണ്‍വെന്‍ഷന്‍ പ്രകാരം എല്ലാ സംസ്ഥാനങ്ങളും തങ്ങളുടെ ബാധ്യതകള്‍ ഉയര്‍ത്തിപ്പിടിക്കുമെന്ന് ഞങ്ങള്‍ പ്രതീക്ഷിക്കുന്നു. നയതന്ത്രജ്ഞരുടെ സുരക്ഷയും പ്രത്യേകാവകാശങ്ങളും ഇമ്മ്യൂണിറ്റികളും ഏകപക്ഷീയമായി നീക്കം ചെയ്യുന്നത് വിയന്ന കണ്‍വെന്‍ഷന്റെ തത്വങ്ങളുമായോ ഫലപ്രദമായ പ്രവര്‍ത്തനവുമായോ പൊരുത്തപ്പെടുന്നതല്ല.
ഹര്‍ദീപ് സിംഗ് നിജ്ജാറിന്റെ മരണത്തെക്കുറിച്ചുള്ള സ്വതന്ത്ര അന്വേഷണത്തില്‍ കാനഡയുമായി സഹകരിക്കാന്‍ ഞങ്ങള്‍ ഇന്ത്യയെ പ്രേരിപ്പിക്കുന്നത് തുടരും,'' പ്രസ്താവനയില്‍ പറയുന്നു.