കുവൈത്ത് സിറ്റി: എന്നും ഓർമ്മിക്കാൻ ഒരു സൗഹൃദം എന്ന ഫേസ്ബുക്ക് കൂട്ടായ്മയുടെ രണ്ടാം വാർഷികാഘോഷം "കൈകോർക്കാം - 2019" ന്റെ ഫ്ലയർ പ്രകാശനം ചെയ്തു. അബ്ബാസിയ ഒലിവ് ഓഡിറ്റോറിയത്തിൽ നടന്ന ചടങ്ങിൽ കൂട്ടായ്മയുടെ ചീഫ് അഡ്മിൻ പി.എം.നായർ വോയ്‌സ് കുവൈത്ത് രക്ഷാധികാരി പി.ജി.ബിനുവിന് നൽകി പ്രകാശനം നിർവഹിച്ചു.
/ "publive-image")
സെപ്റ്റംബർ 20 വെള്ളിയാഴ്ച വൈകിട്ട് മൂന്ന് മണിമുതൽ അബ്ബാസിയ ഒലിവ് ഓഡിറ്റോറിയത്തിലാണ് പരിപാടി. സമ്മേളനത്തിൽ കുവൈത്തിലെ സാമൂഹിക സാംസ്കാരിക രംഗത്തെ പ്രമുഖർ പങ്കെടുക്കും. വിവിധ കലാപരിപാടികളും ഗാനമേളയും അരങ്ങേറും.
വോയ്‌സ് കുവൈത്ത് മുൻ പ്രസിഡന്റ് കെ.വിജയൻ , വോയ്‌സ് കുവൈത്ത് വനിതാവേദി ജനറൽ സെക്രട്ടറി ലത സത്യൻ , ഗ്രൂപ്പ് അഡ്മിൻ ദിൽന ദിവാകരൻ , പ്രോഗ്രാം കമ്മിറ്റി അംഗം ബിജിമോൻ ഭാനു എന്നിവർ സംസാരിച്ചു . പ്രോഗ്രാം കമ്മിറ്റി ജനറൽ കൺവീനർ പ്രാംരാജ് സ്വാഗതവും മോഡറേറ്റർ മിനികൃഷ്ണ നന്ദിയും പറഞ്ഞു.
കൂടുതൽ വിവരങ്ങൾക്ക് 97720484 , 51614418 എന്നി നമ്പറുകളിൽ ബന്ധപ്പെടുക.
Follow Us/sathyam/media/agency_attachments/5VspLzgrB7PML1PH6Ix6.png)
