കുവൈറ്റിൽ ഇന്ത്യൻ രുചികൾക്ക് ബോളിവുഡിന്റെ ആഘോഷമൊരുക്കി ബോളിവുഡ് ലൈഫ് റസ്റ്റോറന്റ്. ലൈവ് മ്യൂസിക് വിത്ത് ഡിന്നർ ആൻഡ് ലഞ്ച്, ലൈവ് കുക്കിംഗ്, 9 തരം ബിരിയാണികൾ തുടങ്ങി പ്രവാസി നാട്ടിൽ രുചിയുടെ ഉത്സവം തീർക്കാൻ മലയാളി റസ്റ്റോറന്റ്

കുവൈറ്റ്:  ബോളിവുഡിന് റസ്റ്റോറന്റിൽ എന്ത് കാര്യം എന്ന് ചോദിക്കരുത്. കാരണം, കാര്യമുണ്ട്. രുചി ഒരു ആഘോഷമാണ്. അതിന് ബോളിവുഡ് എന്ന സിനിമാലോകത്തേക്കാൾ വലിയ നാമം വേറെ കാണില്ല. അങ്ങനെ ഭക്ഷണത്തിന്റെ ഒരു ആഘോഷം ഒരുക്കുകയാണ് കുവൈറ്റിലെ ഫഹാഹീലിലെ അജിയാൻ മാളിൽ ബോളിവുഡ് ലൈഫ് റസ്റ്റോറന്റ്.

ഈ രംഗത്തെ പ്രഗത്ഭരായ മലബാർ കിച്ചനും സാല്മിയയിലെ കാലിക്കറ്റ് ലൈവും മെഹ്ബൂലയിലെയും അബുഹലീഫയിലെയും കാലിക്കറ്റ് ലൈവ് എക്സ്‌പ്രസുകളുമൊക്കെയൊരുക്കിയ സ്‌കൈ വെയ്‌സ് ഗ്രൂപ്പാണ് പുതിയ ഉദ്യമത്തിന്റെയും അണിയറക്കാർ.

കുവൈറ്റിലെ രുചിലോകത്ത് ആഘോഷം തീർക്കാനായി എത്തുന്ന ​ബോ​ളി​വു​ഡ്​ ലൈ​ഫ്​ റ​സ്​​റ്റാ​റ​ൻ​റിന്റെ ഉദ്ഘാടനം നവംബർ 2 ന് വൈകിട്ട് ​ 7.30ന്​ അ​ജി​യാ​ൾ മാ​ളി​ൽ പാ​ണ​ക്കാ​ട്​ മു​ന​വ്വ​റ​ലി ശി​ഹാ​ബ്​ ത​ങ്ങ​ൾ നിർവഹിക്കും.

ബോളിവുഡ് ലൈഫിന്റെ പ്രത്യേകത റെസ്റ്റോറന്റിന്റെ ഓരോ ക്യാബിനും ഓരോ സൂപ്പർ താരങ്ങളുടെ പേരിലായിരിക്കും എന്നതാണ്. ഇതിനായി ഓപ്പൺ ക്യാബിനും ഫാമിലികൾക്കായി ക്ളോസ്ഡ് ക്യാബിനും ഒരുക്കിയിട്ടുണ്ട്.

180 പേർക്ക് ഒരേസമയം ഇരുന്നു ഭക്ഷണം കഴിക്കാവുന്ന സൗകര്യമാണ് ഇവിടെ ഒരുക്കിയിരിക്കുന്നത്. അറബ് - ചൈനീസ് വിഭവങ്ങൾ മാത്രമല്ല, ഇന്ത്യയിലെ നോർത്ത്, സൗത്ത് തുടങ്ങി എല്ലാ മേഖലകളിലെയും രുചികളുടെ ഒരു ഫ്യൂഷൻ തന്നെ ഒരുക്കുകയാണ് ബോളിവുഡ് ലൈഫ്.

ഭക്ഷണം ആഘോഷമാക്കുന്നതിനായി വിപുലമായ സൗകര്യങ്ങളോടെ പാർട്ടീ ഹാൾ, ലൈവ് കാറ്ററിംഗ്, ലൈവ് മ്യൂസിക് വിത്ത് ഡിന്നർ, ലൈവ് മ്യൂസിക് വിത്ത് ലഞ്ച്, ലൈവ് ഔട്ട്ഡോർ കാറ്ററിംഗ് എന്നിവയൊക്കെ ബോളിവുഡ് ലൈഫിന്റെ പ്രത്യേകതകളാണ്.

മലയാളത്തനിമയിലുള്ള വിഭവങ്ങൾ ഒരുക്കാൻ വിദഗ്ദ്ധരായ ഷെഫുകൾ തന്നെയാണ് ഇവിടെ എത്തിയിട്ടുള്ളത്.

രാ​വി​ലെ 11 മ​ണി മു​ത​ൽ രാ​ത്രി 12 മ​ണി വ​രെയായിരിക്കും റസ്റ്റോറെന്റ് സമയം. 42 ജീവനക്കാർ സദാസമയവും സേവനസന്നദ്ധരായി ഇവിടെ ഉണ്ടായിരിക്കും. മു​ഗ​​ൾ ബി​രി​യാ​ണി​യ​ട​ക്കം ഒ​മ്പ​തു​ത​രം ബി​രി​യാ​ണികളാണ് ഭക്ഷണപ്രേമികൾക്കായി ഒരുക്കിയിരിക്കുന്നത്​.

കൊ​തി​യൂ​റു​ന്ന വി​ഭ​വ​ങ്ങ​ളൊ​രു​ക്കി നാ​വി​നും മ​ന​സ്സി​നും തൃ​പ്​​തി പ​ക​രു​ന്ന അ​നു​ഭ​വം പ​ക​രു​മെന്ന് മാനേജ്‌മെന്റ് പ്രതിനിധികളായ നാ​സ​ർ പ​ട്ടാ​മ്പി (മാ​നേ​ജി​ങ്​ ഡ​യ​റ​ക്​​ട​ർ), ജ​യ​കു​മാ​ർ (പാ​ർ​ട്​​ണ​ർ), ബി​ജോ​യ്​ മാ​ത്യു (റ​സ്​​റ്റാ​റ​ൻ​റ്​ മാ​നേ​ജ​ർ) എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പറഞ്ഞു.

അജിയാൻ മാളിൽ തന്നെ വിശാലമായ തിയേറ്ററും സ്ഥിതി ചെയ്യുന്നതിനാൽ കുടുംബത്തോടോടൊപ്പമെത്തി ഭക്ഷണവും കഴിച്ച് സിനിമയും കണ്ട് മടങ്ങുന്നതിനുള്ള അവസരമാണ് ഒരുങ്ങുന്നത്.