കുവൈറ്റില്‍ 'ചിങ്ങപുലരി' ദൃശ്യശ്രാവ്യ സംഗീത ശില്പം പ്രകാശനം ചെയ്തു

കവൈറ്റ് സിറ്റി:  ഹരി ആന്റ് കിച്ചു റെക്കോർഡ്സിന്റെ ബാനറിൽ  എസ്‌ .വി രമേഷ് നിർമ്മിച്ച്, സുപ്രസിദ്ധ ചല ചിത്ര പിന്നണി ഗായിക സിന്ധു രമേഷ് ആദ്യമായി സംഗിതം നൽകി പാടി അഭിനയിച്ച ഓണപ്പാട്ട് 'ചിങ്ങപുലരി' എന്ന ദൃശ്യശ്രാവ്യ സംഗീത ശില്പം പ്രകാശനം ചെയ്തു.

പ്രശസ്ത കവിയും , ഗാന രചയിതാവും , സംഗീത സംവിധായകനുമായ ചുണ്ടമല ജോജി പകലോമറ്റമാണ് തികച്ചും ഗൃഹാതുരത്വവും ഒപ്പം പ്രളയ കെടുതിയും ഓർമ്മിപ്പിക്കുന്ന ഈ അപൂർവ്വ ഗാനം രചിച്ചത്. അബ്ബാസിയ പോപ്പിൻസ് ഹാളിൽ നടന്ന വർണ്ണാഭമായ ആൽബം പ്രകാശന ചടങ്ങിൽ ഡി. ജയകുമാർ (എക്സിക്യൂട്ടീവ് അംഗം ബാസ് കുവൈറ്റ് ,പ്രോഗ്രാം അവതാരകൻ) സ്വാഗതം ആശംസിച്ചു.

ഗംഗാധർ ഷർസാത് (പ്രിൻസിപ്പൽ , ഇൻഡ്യൻ കമ്മ്യൂണിറ്റി സ്ക്കൂൾ ഖൈത്താൻ) അദ്ധ്യക്ഷതയും, മുഖ്യ പ്രഭാഷണവും ,ആൽബത്തിന്റെ പ്രകാശന കർമ്മവും നിർവ്വഹിച്ചു. സാം പൈനുംമൂട് ( ദേശാഭിമാനി കുവൈറ്റ് ലേഖകൻ), സജീവ് .കെ. പീറ്റർ (മീഡിയ ഫോറം കുവൈറ്റ് ജനറൽ കൺവീനർ ), വിനയൻ,  സുനിൽ കുമാർ ( പ്രസിഡന്റ് ബാസ് കുവൈറ്റ് ), ഗോപിനാഥൻ , ( ജനറൽ സെക്രട്ടറി ബാസ് കുവൈറ്റ് ), സാദിഖ് സലിം (വൈസ് പ്രസിഡന്റ് ബാസ് കുവൈറ്റ് ), ശ്രുതി ശ്രീജിത്ത് ( ഗായിക, ബാസ് കുവൈറ്റ് എക്സിക്യുട്ടീവ് അംഗം), ശശി കൃഷ്ണ( പ്രശസ്ത ചിത്രകാരൻ ,കാർട്ടൂണിസ്റ്റ് ,അദ്ധ്യാപകൻ), രാജു( ബാസ് എക്സിക്ക്യുട്ടീവ് അംഗം), ചുണ്ടമല ജോജി പകലോമറ്റം ( കവി, ഗാന രചിതാവ്, സംഗീത സംവിധായകൻ) എന്നിവർ ആശംസകൾ അർപ്പിച്ചു.

എസ്‌. വി രമേഷ് ( നിർമ്മാതാവ്) നന്ദി പ്രകാശിപ്പിച്ചു. സിന്ധു രമേഷ് തന്റെ സംഗീത ജിവിതത്തിലെ അവിസ്മരണിയ മുഹുർത്തങ്ങൾ സദസിൽ പങ്കു വെച്ചു.