ബഹ്റൈനിൽ ലക്ഷക്കണക്കിന് തൊഴിലാളികൾക്ക് തണലേകി ബി എം ബി എഫ് ഹെൽപ്പ് & ഡ്രിങ്; പത്താം വാർഷിക നിറവിൽ ബി എം ബി എഫ്

മനാമ: ബഹ്റൈനിൽ കടുത്ത ഉഷ്ണകാലത്ത് ജോലി ചെയ്യുന്ന തൊഴിലാളികൾക്ക് വേണ്ടി ആദ്യമായി ബഹ്റൈനിൽ നടപ്പിൽ വരുത്തിയ കച്ചവട രംഗത്തുള്ളവരുടെ കൂട്ടായ്മയായ ബഹ്റൈൻ മലയാളി ബിസിനസ് ഫോറത്തിൻ്റെ കീഴിൽ പത്താം വർഷത്തിലേക്ക് കടക്കുന്ന ബി എം ബി എഫ് ഹെൽപ്പ് & ഡ്രിങ് എന്ന ജീവകാരുണ്യ പദ്ധതി ലക്ഷകണക്കിന് തൊഴിലാളികൾക്ക് തണലേകി.

ബഹ്റൈനിലെ വിവിധ മന്ത്രാലയങ്ങളുടെയും, ക്യാപിറ്റൽ ഗവർണറേറ്റ്, പാർലിമെൻ്റ് അംഗങ്ങൾ എന്നിങ്ങനെ വിവിധ നയതന്ത്ര കാര്യാലയങ്ങളുടെയും അംഗീകാരത്തിനും പ്രശംസക്കും പാത്രമാവുന്ന ബി.എം. ബി.എഫിന് അഭിമാനിക്കുവാൻ ഏറെവക നൽകുന്ന പ്രവർത്തനങ്ങളാണ് നീണ്ട ഒമ്പത് വർഷങ്ങളിൽ പൊതു സമൂഹത്തിൽ നടപ്പിലാക്കി വരുന്നത്.

ഇത്തവണ പത്താം വാർഷികം ബഹ്റൈനിലെ ഏറ്റവും വലിയ തൊഴിലാളികൾ ജോലി ചെയ്യുന്ന തൂബ്ലിയിലെ സിബാർകോയിൽ വേദിയാവുമെന്നും ഉൽഘാടനം ക്യാപിറ്റൽ ഗവർണറേറ്റ് ഫോളോ അപ് ഡയറക്ടറും സാമൂഹ്യ രംഗത്തെ പ്രമുഖനുമായ യൂസഫ് യാഖൂബ് ലാറി ഉൽഘാടനം ചെയ്യും.

വിവിധ രാജ്യങ്ങളിലെ സംഘടനാ ഭാരവാഹികളും മലയാളി ബിസിനസ് ഫോറം ഭാരവാഹികളും മാധ്യമപ്രവർത്തകരും വളണ്ടിയർ ടീമും പരിപാടിയിൽ പങ്കെടുക്കും.

തൊഴിലാളികൾക്ക് വേണ്ടി ഇന്ത്യൻ സ്വാതന്ത്ര്യത്തിൻ്റെ ഭാഗമായി മെഡിക്കൽ ക്യാമ്പും ഒരുക്കിയിട്ടുണ്ട്. ഉൽഘാടന വേളയിൽ തൊഴിലാളികൾക്കൊപ്പം ഒരുമിക്കാൻ ബഹ്റൈൻ മലയാളി ബിസിനസ് ഫോറം ഭാരവാഹി ബഷീർ അമ്പലായി ആഹ്വാനം ചെയ്തു.