വിശ്വകലാ ഇൻഡോ ബഹ്റൈൻ എൻ്റർടെയ്ൻമെൻ്റ്  ഫെസ്റ്റിവൽ വെള്ളിയാഴ്ച

മനാമ: ബഹ്റൈൻ വിശ്വകലാ സാംസ്കാരിക വേദി 20-ാം വാർഷികത്തോടനുബന്ധിച്ച്  നടത്തുന്ന  വിശ്വകലാ ഇൻഡോ ബഹ്റൈൻ എൻ്റർടെയ്ൻമെൻ്റ്  ഫെസ്റ്റിവൽ വെള്ളിയാഴ്ച (മാര്‍ച്ച് 1) നടക്കും.    ഗൾഫ് എയർ ക്ലബിൽ വൈകിട്ട് 6 മണിക്ക്  ആരംഭിക്കുന്ന പരിപാടിയിൽ ബഹ്റൈനിലെ ഇന്ത്യൻ അംബാസിഡർ വിനോദ്  കെ ജേക്കബ് മുഖ്യാതിഥിയായി പങ്കെടുക്കും.  ബഹ്റൈനിലെ മന്ത്രിമാർ , പാർലമെൻ്റ് അംഗങ്ങൾ   ഉൾപ്പെടെ സാമൂഹിക, സാംസ്കാരിക മേഖലയിൽ നിന്നുമുള്ള പ്രമുഖരും  പരിപാടിയിൽ പങ്കെടുക്കുമെന്ന്‌ ഭാരവാഹികൾ വാർത്തസമ്മേളനത്തിൽ അറിയിച്ചു.

സിനിമാതാരവും നർത്തകിയുമായ ലക്ഷ്മി ഗോപാലസ്വാമിയുടെ ഡാൻസ് പെർഫോമൻസ് , മലയാള ചലച്ചിത്ര പിന്നണി ഗായകരായ  കണ്ണൂർ ഷെറീഫ്, സുമി അരവിന്ദ്,  യുവ ഗായിക അതിയ ഷീജു എന്നിവർ ഒരുക്കുന്ന  ഗാനമേള ,  നാടൻപാട്ട് കലാകാരൻ സുരേഷ് പള്ളിക്കര , സിനിമ സീരിയൽ താരം ശ്രീലയ റോബിൻ, കഥക്  ഡാൻസർ ഖലീൽ ആ സ്വർ, എന്നിവരുടെ പ്രകടനങ്ങള്‍ക്കൊപ്പം ഇന്ത്യയിലെ വിവിധ സംസ്ഥാനങ്ങളിൽ നിന്നുള്ള കലാകാരന്മാരും, സ്വദേശികളായ ബഹ്റൈൻ കലാകാരന്മാരും നടത്തുന്ന കലാവിരുന്നും വൈബ് ഫെസ്റ്റിൽ ഒരുങ്ങുന്നു.

ബഹ്റൈൻ മീഡിയ സിറ്റിയാണ് പരിപാടിയുടെ  ഇവൻ്റ് മാനേജർ. ഈ പരിപാടിയിലേക്ക് ഏവരെയുംക്ഷണിക്കുന്നു എന്നും പ്രവേശനം സൗജന്യമാണെന്നും ,പ്രസിഡൻ്റ് സുരേഷ് സി എസ്, ജനറൽ സെക്രട്ടറി ത്രിവിക്രമൻ പാടിയത്ത് ,ഓർഗനൈസിങ് കമ്മിറ്റി ചെയർമാൻ ഡോ പി വി ചെറിയാൻ, ഓർഗനൈസിങ്ങ്  കമ്മിറ്റി വൈസ് ചെയർമാൻ സതീഷ് മൂതലയിൽ എന്നിവർ  അറിയിച്ചു.