ഗൾഫ് മെഡിക്കൽ യൂണിവേഴ്സിറ്റി മത്സരത്തിൽ മാത്യു കുര്യൻ മാത്യൂസിന്  ഒന്നാം സമ്മാനം

അജ്‌മാൻ:യുഎഇ -ഷാർജയിലെ എമിറേറ്റ്‌സ് നാഷണൽ സ്‌കൂളിലെ പന്ത്രണ്ടാം ക്ലാസ് വിദ്യാർത്ഥി മാത്യു കുര്യൻ മാത്യൂസിന്  സംഗീത രചനാ മേഖലയിൽ വീണ്ടും ഉന്നത ബഹുമതി.  ഒക്‌ടോബർ 27ന് ഗൾഫ് മെഡിക്കൽ യൂണിവേഴ്‌സിറ്റി സംഘടിപ്പിച്ച സംഗീത രചനാ മത്സരത്തിൽ ആണ് ഒന്നാം സമ്മാനം കരസ്ഥമാക്കിയത്.

സർവകലാശാലാ ഓഡിറ്റോറിയത്തിൽ നടന്ന  ചടങ്ങിൽ  യുണൈറ്റഡ് അറബ് എമിറേറ്റുകളിൽ നിന്നുള്ള 80ലധികം സ്കൂളുകളിൽ നിന്നും വിദ്യാർത്ഥികൾ  മത്സരത്തിൽ പങ്കെടുത്തു.

തുടർച്ചയായി രണ്ടാം വർഷമാണ് മാത്യു സംഗീത മേഖലയിൽ തന്റെ മുദ്ര പതിപ്പിക്കുന്നത്. ദക്ഷിണേന്ത്യൻ സംസ്ഥാനമായ കേരളത്തിൽനിന്നുള്ള മാത്യുവിന്റെ സംഗീതയാത്ര ആരംഭിച്ചത് എട്ടാം വയസ്സിൽ പിയാനോ വായിക്കാൻ തുടങ്ങിയപ്പോഴാണ്.വർഷങ്ങളായി സംഗീത രചനകൾക്കും ആലാപന മത്സരങ്ങളിലെ പ്രകടനങ്ങൾക്കും നിരവധി അംഗീകാരങ്ങൾ  നേടിയിട്ടുണ്ട്.

മൂന്ന് പതിറ്റാണ്ടായി മിഡിൽ ഈസ്റ്റിൽ കാർഷിക പത്രപ്രവർത്തകനായി സേവനമനുഷ്ഠിക്കുന്ന മാത്യു കിടങ്ങന്നൂരിന്റെയും ജെസ്സി മാത്യുവിന്റെയും ഇളയ മകനാണ് മാത്യു.ഗൾഫ് അഗ്രികൾച്ചർ, ഫുഡ് ബിസിനസ് ഗൾഫ് & മിഡിൽ ഈസ്റ്റ്, പൗൾട്രി & ലൈവ്‌സ്റ്റോക്ക്, ട്രാവൽ ബിസിനസ് മിഡിൽ ഈസ്റ്റ് മാഗസിന്റെ എഡിറ്ററാണ് മാത്യൂസ് മാത്യു കിടങ്ങന്നൂർ.