വിക്ക്ലോയിൽ 12.6 കിലോ കഞ്ചാവുമായി 3 പേർ പിടിയിൽ

കൗണ്ടി വിക്ക്‌ലോയില്‍ 12.6 കിലോഗ്രാം കഞ്ചാവുമായി രണ്ട് സ്ത്രീകളും, ഒരു പുരുഷനും പിടിയില്‍. ഗാർഡ നാഷണൽ ഡ്രഗ്സ് ആൻഡ് ഓർഗാനിസ്ഡ് ക്രൈം ബ്യുറോ, ബ്രായ് ഡ്രഗ്സ് യൂണിറ്റ്, ബ്രായ ആൻഡ് ആർക്ലോ ഡിസ്ട്രിക്റ്റ് ഡീറ്റെക്റ്റീവ് യൂണിറ്റ്സ്, റിവേന്യൂ’സ് കസ്റ്റമസ് സർവീസ് എന്നിവര്‍ വെള്ളിയാഴ്ച നടത്തിയ സംയുക്ത ഓപ്പറേഷനിലാണ് വലിയ അളവില്‍ മയക്കുമരുന്ന് പിടിച്ചെടുത്തത്.

ആദ്യ പരിശോധനയില്‍ 6.6 കിലോഗ്രാമും, തുടര്‍പരിശോധനയില്‍ 6 കിലോഗ്രാമും കഞ്ചാവാണ് പിടിച്ചെടുത്തത്. ഇവയ്ക്ക് ഏകദേശം 252,000 യൂറോ വില വരും.