കൗണ്ടി ഡോണഗലിൽ പള്ളി തീപിടിത്തത്തിൽ നശിച്ചു

കൗണ്ടി ഡോണഗലിലെ ജനപ്രിയമായി പള്ളി തീപിടിത്തത്തില്‍ നശിച്ചു. ഇന്നലെ പുലര്‍ച്ചെ 4 മണിയോടെയാണ് ഡിരിബേഗിലെ സെന്റ് മേരിസ് ചർച്ചിന് തീപിടിച്ചത്. തീ നിയന്ത്രിക്കാനായി കഠിനശ്രമം നടത്തിയെങ്കിലും പള്ളി പൂര്‍ണ്ണമായും കത്തിനശിച്ചു. അതേസമയം സംഭവത്തില്‍ ആര്‍ക്കും പരിക്കില്ല.

1972-ല്‍ തുറന്ന പള്ളിയുടെ അഷ്ടകോണുകളോടുകൂടിയുള്ള രൂപകല്‍പ്പന കൗതുകമുണര്‍ത്തുന്നതായിരുന്നു. പള്ളി തീപിടിത്തത്തില്‍ നശിച്ചത് നാട്ടുകാര്‍ക്കും വൈദികര്‍ക്കുമെല്ലാം ഏറെ വേദനയാണ് സൃഷ്ടിച്ചിരിക്കുന്നത്.സംഭവത്തില്‍ ഗാര്‍ഡ അന്വേഷണമാരംഭിച്ചിട്ടുണ്ട്.