ഗോൾവേ കേന്ദ്രീകരിച്ച് സി.എസ്. ഐ സഭയുടെ പുതിയ ആരാധനാ കേന്ദ്രം ആരംഭിക്കുന്നു

ഡബ്ലിൻ : ഡബ്ലിൻ ഹോളി ട്രിനിറ്റി സി. എസ്. ഐ. ഇടവകയുടെ ക്രിസ്റ്റൽ ജൂബിലി പ്രവർത്തനങ്ങളുടെ ഭാഗമായി പുതിയ ഒരു ആരാധനാ കേന്ദ്രം (വർഷിപ് സെന്റർ) കൗണ്ടി ഗോൾവേയിൽ ആരംഭിക്കുന്നു.

മാർച്ച്‌ 29 ശനിയാഴ്ച 1 മണിക്ക് ആരംഭിക്കുന്ന വിശുദ്ധ സംസർഗ്ഗ ആരാധനയ്ക്ക് ഇടവക വികാരി റവ. ജെനു ജോൺ നേതൃത്വം നൽകും. ഗോൾവേയിലും സമീപ കൗണ്ടികളിലുമായി താമസിക്കുന്ന സി. എസ്. ഐ സഭയിലെ അംഗങ്ങളും, ഡബ്ലിൻ ഇടവകയിലെ കമ്മിറ്റി അംഗങ്ങളും ജനങ്ങളും, ഗായക സംഘവും ആരാധനയിൽ പങ്കെടുക്കുന്നതാണ്.

ക്രോവെൽ സെന്റ് മൈക്കിൾസ് ഹാളിൽ വെച്ചാണ് ആരാധന ക്രമീകരിക്കുന്നത്. ആരാധനയിലേക്ക് എല്ലാവരെയും സ്വാഗതം ചെയ്യുന്നതായി സംഘാടകർ അറിയിച്ചു.