ലോങ്ഫോർഡിൽ നവജാത ശിശു മരിച്ച സംഭവം, ക്രിമിനൽ അന്വേഷണം ആവശ്യമില്ല : ഗാർഡ

ലോങ്ഫോർഡിലെ ഒരു കുടുംബ വീട്ടിൽ നടന്ന നവജാത ശിശുവിന്റെ മരണം സംശയാസ്പദമല്ലെന്ന് ഗാർഡാ വ്യക്തമാക്കി.

അബ്ബേലരയിലെ ഒരു പാർപ്പിട സമുച്ചയത്തിൽ ഞായറാഴ്ച രാവിലെയാണ് പെണ്‍ കുഞ്ഞിനെ മരിച്ച നിലയില്‍ കണ്ടെത്തിയത്. സംഭവത്തെ തുടർന്ന് ഗാര്‍ഡ അന്വേഷണം ആരംഭിച്ചിരുന്നു.

തിങ്കളാഴ്ച പൂർത്തിയായ പോസ്റ്റുമോർട്ടം റിപ്പോർട്ട് പ്രകാരം ക്രിമിനൽ അന്വേഷണം ആവശ്യമില്ലെന്ന് ഗാര്‍ഡ സ്ഥിരീകരിച്ചു. എന്നാല്‍ പോസ്റ്റുമോർട്ടം ഫലങ്ങൾ പ്രവർത്തനപരമായ കാരണങ്ങൾ കൊണ്ട് പുറത്തുവിടില്ലെന്ന് ഗാർഡാ അധികൃതർ അറിയിച്ചു.