അയർലണ്ടിൽ ഏറ്റവും കുറവ് വിലയ്ക്ക് വീട് ലഭിക്കുന്നത് ഡോണഗലിൽ; കണക്കുകൾ പുറത്ത്

അയര്‍ലണ്ടിലെ ഭവനവില സെപ്റ്റംബര്‍ വരെയുള്ള ഒരു വര്‍ഷത്തിനിടെ 7.6% ഉയര്‍ന്നതായി Central Statistics Office (CSO). ഓഗസ്റ്റ് വരെയുള്ള ഒരു വര്‍ഷത്തിനിടെ ഇത് 7.5% ആയിരുന്നു.

ഡബ്ലിനിലെ കാര്യം മാത്രം എടുത്താല്‍ ഒരു വര്‍ഷത്തിനിടെയുള്ള വര്‍ദ്ധന 5.3% ആണ്. എന്നാല്‍ ഡബ്ലിന് പുറത്ത് ഇത് 9.4% എന്ന ഉയര്‍ന്ന നിലയിലാണെന്നും റിപ്പോര്‍ട്ട് വ്യക്തമാക്കുന്നു.

രാജ്യത്ത് വീടിന് ഏറ്റവും ഉയര്‍ന്ന ശരാശരി വിലയുള്ള പ്രദേശം പതിവുപോലെ ഡൻ ലാഖൈർ - രാത്ഡോൺ ആണ്- വില ശരാശരി 675,000 യൂറോ. മറുവശത്ത് ഏറ്റവും കുറഞ്ഞ ശരാശരി വിലയുളിള പ്രദേശം ഡോൺഗലിമാണ്- ശരാശരി വില 190,000 യൂറോ.