അയർലണ്ടുകാർക്ക് ഇരട്ട പ്രഹരം: ഇൻഷുറൻസ് പ്രീമിയം വർദ്ധന പ്രഖ്യാപിച്ച് ലെവൽ ഹെൽത്തും

മറ്റ് കമ്പനികൾക്ക് പിന്നാലെ അയർലണ്ടിൽ ഇൻഷുറൻസ് പ്രീമിയം വർദ്ധന പ്രഖ്യാപിച്ച് ലെവൽ ഹെൽത്തും 2026 ഫെബ്രുവരി 2 മുതൽ ഏതാനും പ്ലാനുകളിൽ ശരാശരി 4% വർദ്ധന വരുത്തുമെന്നാണ് കമ്പനി പ്രഖ്യാപിച്ചിരിക്കുന്നത്. പ്ലാനുകൾ പുതുക്കുന്നവർക്കും ഈ വർദ്ധന ബാധകമാണ്.

അതേസമയം രാജ്യത്തെ ജീവിതചെലവ് വർദ്ധിച്ചിരിക്കുന്നതിനിടെയുള്ള ഇത്തരം വില വർദ്ധനകൾ ഒട്ടും സ്വീകാര്യമല്ലെന്ന് ദി ഹെൽത്ത്‌ ഇൻഷുറൻസ് അതോറിറ്റി (എച്ച് ഐ എ) പ്രതികരിച്ചു. ചെലവ് കൂടിയത്, ക്ലെയിമുകൾ വർദ്ധിച്ചത് എന്നിവയെല്ലാമാണ് പ്രീമിയം കൂട്ടാൻ കമ്പനികൾ പറയുന്ന ന്യായം എന്നും എച്ച് ഐ എ പറഞ്ഞു. എന്നിരുന്നാലും ആളുകൾക്ക് പ്രാപ്യമാകുന്നതായിരിക്കണം പ്രീമിയം തുക എന്നും എച്ച് ഐ എ വ്യക്തമാക്കി.