ലോങ്‌ഫോർഡിൽ വയോധികനെ പരിക്കേറ്റ നിലയിൽ കണ്ടെത്തി; തട്ടിക്കൊണ്ടുപോയി ഉപദ്രവിച്ചതെന്ന് സംശയം

കോ ലോങ്ങ്ഫോഡിലെ ഡ്രംലിഷില്‍ വയോധികനെ പരിക്കേറ്റ നിലയില്‍ കണ്ടെത്തി. ശനിയാഴ്ച വൈകിട്ട് 7.30-ഓടെയാണ് 60-ലേറെ പ്രായമുള്ള പുരുഷനെ പരിക്കേറ്റ നിലയില്‍ കണ്ടെത്തുകയും, ആംബുലന്‍സില്‍ മുള്ളിങ്കർ ജനറൽ ഹോസ്പിറ്റല്‍ പ്രവേശിപ്പിക്കുകയും ചെയ്തത്. ഇദ്ദേഹത്തിന്റെ ആരോഗ്യനില ഗുരുതരമായി തുടരുകയാണ്.

അതേസമയം സംഭവത്തിന് മുമ്പായി നവംബര്‍ 5-ന് വൈകിട്ട് 7 മണിയോടെ കറബൗൺ പ്രദേശത്താണ് ഇദ്ദേഹത്തെ അവസാനമായി കണ്ടത്. പിന്നീട് രണ്ട് ദിവസത്തിന് ശേഷം പരിക്കേറ്റ നിലയില്‍ കണ്ടെത്തുകയായിരുന്നു.

സംഭവത്തില്‍ എന്തെങ്കിലും സൂചനയുള്ളവര്‍ തങ്ങളുമായി ബന്ധപ്പെടണമെന്ന് ഗാര്‍ഡ അഭ്യര്‍ത്ഥിക്കുന്നുണ്ട്. ഡ്രംളിഷ് പ്രദേശത്തെ കറബൗൺ/മോഹിൽ റോഡ് വഴി നവംബര്‍ 5 ബുധനാഴ്ച വൈകിട്ട് 7 മണിക്കും, നവംബര്‍ 8 ശനിയാഴ്ച വൈകിട്ട് 6.30-നും ഇടയില്‍ സഞ്ചരിച്ച ആരുടെയെങ്കിലും കാറിന്റെ ഡാഷ് ക്യാമറയില്‍ പ്രതികളെ പറ്റി സൂചന നല്‍കുന്ന ഏതെങ്കിലും ദൃശ്യങ്ങള്‍ പതിഞ്ഞിരിക്കാം. അവര്‍ ദൃശ്യങ്ങള്‍ നല്‍കാനായി ഏതെങ്കിലും ഗാര്‍ഡ സ്റ്റേഷനിലോ, താഴെ പറയുന്ന നമ്പറുകളിലോ ബന്ധപ്പെട്ട് സഹകരിക്കണമെന്ന് ഗാര്‍ഡ അഭ്യര്‍ത്ഥിച്ചു:

ലോങ്ങ്ഫോംഡ് ഗാർഡ സ്റ്റേഷൻ ഓൻ 043 3350570

ഗാർഡ കോൺഫിഡന്റിൽ ലൈൻ ഓൻ 1800 666 111