ലിമറിക്കിൽ വ്യാപാര സ്ഥാപനത്തിന് നേരെ ഫയർ ബോംബ് ആക്രമണം

ലിമറിക്കിലെ വ്യാപാരസ്ഥാപനത്തിന് നേരെ ഫയര്‍ ബോംബ് എറിഞ്ഞു. ഓൾഡ് കോർക് റോഡിലെ ഇൻവെർട്ടർ ഫില്ലിങ് സ്റ്റേഷന് അകത്ത് പ്രവര്‍ത്തിക്കുന്ന സ്പാർ ഷോപ്പിന് നേരെയാണ് തിങ്കളാഴ്ച പുലര്‍ച്ചെ 3.30-ഓടെ ഫയര്‍ ബോംബ് എറിഞ്ഞത്.

ഫയര്‍ സര്‍വീസ് എത്തിയാണ് തീയണച്ചത്. സംഭവത്തില്‍ ആര്‍ക്കും പരിക്കില്ല. ആക്രമണം നടക്കുന്ന സമയം സമീപപ്രദേശത്ത് ആരും ഉണ്ടായിരുന്നില്ല.

സംഭവസ്ഥലം സീല്‍ ചെയ്തതായും അന്വേഷണമാരംഭിച്ചതായും ഗാര്‍ഡ അറിയിച്ചു. സിസിടിവി ദൃശ്യങ്ങളടക്കം പരിശോധിച്ചാണ് അന്വേഷണം നടക്കുന്നത്