ഇന്ത്യന്‍ വിപണിയില്‍ പ്രതീക്ഷയര്‍പ്പിച്ച് ഐറിഷ് വിസ്‌കി

ഡബ്ലിന്‍: ഇ യു – ഇന്ത്യ സ്വതന്ത്ര വ്യാപാര കരാറിനെ സ്വാഗതം ചെയ്ത് ഐറിഷ് വിസ്‌കി അസോസിയേഷന്‍.കരാറനുസരിച്ച് നിലവിലെ 150% താരിഫ് പകുതിയായി കുറയ്ക്കും.അടുത്ത ഏഴ് വര്‍ഷത്തിനുള്ളില്‍ 40%മാകും.മുംബൈ മുതല്‍ മിഡില്‍ടണ്‍ വരെയും ഡെല്‍ഹി മുതല്‍ ഡെയ്ഞ്ചിയന്‍ വരെയുള്ള കമ്മ്യൂണിറ്റികളിലും ഗുണപരമായ സ്വാധീനം ചെലുത്തുന്ന കരാറാണിതെന്ന് അസോസിയേഷന്‍ അഭിപ്രായപ്പെട്ടു.

ഐറിഷ് വിസ്‌കിയുടെ ഏറ്റവും വേഗത്തില്‍ വളരുന്ന വിപണികളില്‍ ഒന്നാണ് ഇന്ത്യ. ഇന്ത്യയിലെ ഐറിഷ് വിസ്‌കി വില്‍പ്പന 2024ല്‍ 700,000 കേസുകള്‍ കവിഞ്ഞിരുന്നു. വര്‍ഷം തോറും 57.5% വളര്‍ച്ചയും 2020 മുതല്‍ ഇതുവരെ 900% വര്‍ധനവുമുണ്ടാകുന്നത്. കയറ്റുമതിക്ക് 150% തീരുവ നേരിടുമ്പോഴാണ് ഈ വളര്‍ച്ച നേടാനായത്.ഈ സ്ഥിതിയില്‍ താരിഫ് പകുതിയാകുന്നതോടെ ഈ വര്‍ഷം വില്‍പ്പന ഒരു മില്യണ്‍ കടക്കുമെന്ന പ്രതീക്ഷയാണ് അസോസിയേഷന്‍ പങ്കുവെയ്ക്കുന്നത്.

ഇ യു കാര്‍ഷിക-ഭക്ഷ്യ കയറ്റുമതികള്‍ക്കൊപ്പം ഐറിഷ് വിസ്‌കിയും ഇപ്പോള്‍ അതിന്റെ ഏറ്റവും വലിയ വിപണിയായ യു എസില്‍ 15% താരിഫ് നേരിടുകയാണ്. അയര്‍ലണ്ടിന്റെ ഏറ്റവും വലിയ വിപണിയാണ് യു എസ്. പൂജ്യത്തിന് പൂജ്യം വ്യാപാര ക്രമീകരണം, 30ലേറെ വര്‍ഷത്തെ താരിഫ് രഹിത വ്യാപാരം എന്നിവയില്‍ നിന്നുമുള്ള പ്രധാന വ്യതിയാനമാണിത്.ഈ പശ്ചാത്തലത്തിലാണ് ഇന്ത്യ-ഇയു കരാറിന് പ്രസക്തിയേറുന്നത്.

ആഗോളതലത്തില്‍ നാലാമത്തെ വലിയ സമ്പദ്വ്യവസ്ഥയും ലോകത്തിലെ ഏറ്റവും ജനസംഖ്യയുള്ള രാജ്യവുമാണ് ഇന്ത്യ. ബൂട്ട് ചെയ്യേണ്ട ഏറ്റവും വലിയ വിസ്‌കി വിപണിയുമാണ്’ അസോസിയേഷന്‍ പറയുന്നു.

ഇന്ത്യന്‍ വിപണിയില്‍ ഐറിഷ് വിസ്‌കി,ഐറിഷ് ക്രീം, ഐറിഷ് പോയിറ്റിന്‍ എന്നിവയുടെ സമഗ്രത ഉറപ്പാക്കി അനുകരണ ബ്രാന്റുകളെ ചെറുക്കുന്നതിന് ഭൂമിശാസ്ത്രപരമായ സൂചനകള്‍ (ജി ഐ) നേടുന്നതിനുള്ള ചര്‍ച്ചകള്‍ തുടരുകയാണെന്ന് അസോസിയേഷന്‍ അറിയിച്ചു.

കരാര്‍ പ്രഖ്യാപനം ഇയുവിന്റെ വ്യാപാര അജണ്ടയിലും കാര്‍ഷിക-ഭക്ഷ്യ കയറ്റുമതിയുടെ ഗുണനിലവാരത്തിലും പ്രീമിയം ഉല്‍പ്പന്നങ്ങളിലുമുള്ള വിശ്വാസ വോട്ടെടുപ്പാണെന്ന് ഐറിഷ് വിസ്‌കി അസോസിയേഷന്‍ ഡയറക്ടര്‍ ഇയോയിന്‍ ഒ കാതൈന്‍ അഭിപ്രായപ്പെട്ടു.

അന്താരാഷ്ട്ര മദ്യത്തിന് സമീപ വര്‍ഷങ്ങളില്‍ മധ്യവര്‍ഗ സമൂഹത്തില്‍ പ്രചാരം വര്‍ദ്ധിച്ചിട്ടുണ്ട്. പ്രീമിയവല്‍ക്കരണ’ പ്രവണതയാണ് ഇത് ത്വരിതപ്പെടുത്തുന്നത്. ഉപഭോക്താക്കളുടെ സാമ്പത്തിക സ്ഥിതി മെച്ചപ്പെടുന്നതിനനുസരിച്ച് ഉയര്‍ന്ന വിലയുള്ള കൂടുതല്‍ പ്രീമിയം ഉല്‍പ്പന്നങ്ങള്‍ ഇഷ്ടപ്പെടുന്ന നിലയാണ്.

അയര്‍ലണ്ട് ദ്വീപിലുടനീളമുള്ള ഐറിഷ് വിസ്‌കി നിര്‍മ്മാതാക്കള്‍ ഈ കരാറും യുകെ-ഇന്ത്യ എഫ്ടിഎയും പരമാവധി മുതലെടുക്കുമെന്നും അസോസിയേഷന്‍ പ്രതീക്ഷിക്കുന്നു