അയർലണ്ടിൽ പാലിന് വില കുറയും; 2 വർഷത്തിനിടെ ആദ്യമായി വിലക്കുറവ് പ്രഖ്യാപിച്ച് സൂപ്പർമാർക്കറ്റുകൾ

2023-ന് ശേഷം ആദ്യമായി അയര്‍ലണ്ടില്‍ പാലിന് വിലക്കുറവ് പ്രഖ്യാപിച്ച് പ്രമുഖ സൂപ്പര്‍മാര്‍ക്കറ്റുകള്‍.

പാലിന് പരമാവധി 16 സെന്റ് വിലക്കുറവാണ് ലിഡിൽ അയർലണ്ട് പ്രഖ്യാപിച്ചിരിക്കുന്നത്. ഇതോടെ 2 ലിറ്റര്‍ കാര്‍ട്ടന്റെ വില 2.45 യൂറോയില്‍ നിന്നും 2.35 യൂറോ ആയി കുറയും. 3 ലിറ്ററിന്റെ വില 3.55 യൂറോയില്‍ നിന്നും 3.39 ആകുകയും ചെയ്യും.

3 സെന്റ് മുതല്‍ 16 സെന്റ് വരെ വിലക്കുറവാണ് അൽഡി വിവിധ പാക്കുകള്‍ക്ക് പ്രഖ്യാപിച്ചിരിക്കുന്നത്.

പണപ്പെരുപ്പം കാരണം കഴിഞ്ഞ ഏതാനും വര്‍ഷങ്ങളായി പാല്‍ അടക്കമുള്ള അവശ്യവസ്തുക്കളുടെ വില അയര്‍ലണ്ടില്‍ കുതിച്ചുയരുകയാണ്. സെൻട്രൽ സ്റ്റാറ്റിസ്റ്റിക്സ് ഓഫീസ് (സി എസ് ഒ)-ന്റെ കണക്കുകള്‍ പ്രകാരം 2 ലിറ്റര്‍ പാലിന് 2025 സെപ്റ്റംബര്‍ വരെയുള്ള ഒരു വര്‍ഷത്തിനിടെ 27 സെന്റ് ആണ് വര്‍ദ്ധിച്ചത്.