ഡബ്ലിന്‍ നഗരത്തില്‍ ഗതാഗതക്കുരുക്ക് കുറയ്ക്കുന്നതിന്റെ ഭാഗമായി പുതിയ നിയന്ത്രണങ്ങള്‍ പ്രഖ്യാപിച്ച് സിറ്റി കൗണ്‍സില്‍. വരുന്ന വേനല്‍ക്കാലം മുതല്‍ നഗരത്തിലെ പാര്‍ലമെന്റ് സ്ട്രീറ്റില്‍ വാഹനങ്ങള്‍ക്ക് പ്രവേശനവിലക്ക് ഏര്‍പ്പെടുത്തും. വെസ്റ്റ്ലാന്ഡ് റോ യില്‍ സ്വകാര്യ കാറുകള്‍ക്കും നിയന്ത്രണങ്ങളുണ്ടാകും.
ഓഗസ്റ്റ് 2024 മുതല്‍ നടപ്പിലാക്കി വരുന്ന ഡബ്ലിന്‍ സിറ്റി ട്രാന്‍സ്‌പോര്‍ട്ട് പ്ലാന്‍ പ്രകാരം നഗരത്തിലെ വിവിധ പ്രദേശങ്ങളില്‍ വാഹനങ്ങള്‍ക്ക് നിരോധനവും, നിയന്ത്രണവുമുണ്ട്. ഇതിന്റെ തുടര്‍ച്ചയായാണ് പുതിയ നിയന്ത്രണങ്ങള്‍. ആറ് മാസം മുമ്പ് പദ്ധതി നടപ്പിലാക്കിയതിന് ശേഷം നഗരത്തിലെ ഗതാഗതക്കുരുക്കിന് ഗണ്യമായ കുറവുണ്ടായതായാണ് സിറ്റി കൗണ്‍സിലിന്റെ റിപ്പോര്‍ട്ട് പറയുന്നത്.
പുതിയ നിയന്ത്രണങ്ങള്‍ പ്രകാരം ക്യാപ്ൽ സ്ട്രീറ്റുമായി ബന്ധിപ്പിക്കുന്ന ഗ്രേട്ടൻ ബ്രിഡ്ജിൽ രണ്ട് വശത്തേയ്ക്കും പുതുതായി സൈക്കിള്‍ യാത്രയും അനുവദിക്കും.
വെസ്റ്റ്ലാന്ഡ് റോയില്‍ 10 ആഴ്ചയോളമെടുത്തുള്ള നവീകരണജോലികള്‍ കഴിഞ്ഞാല്‍ ഇടത് വശത്തേയ്ക്ക് തിരിയാന്‍ കാറുകള്‍ക്ക് അനുവാദമുണ്ടാകില്ല. ഇവിടെ നിന്നും പൊതുഗതാഗത സംവിധാനങ്ങള്‍, സൈക്കിളുകള്‍ എന്നിവയ്ക്ക് മാത്രമേ ഇടത് ടേണ്‍ എടുക്കാന്‍ സാധിക്കൂ. വെസ്റ്റ്ലാന്ഡ് റോയില്‍ നിന്നും പേർസ് സ്ട്രീറ്റിലെ റിങ്സെൻഡിലെയ്ക്ക് പുതിയ റൈറ്റ് ടേണ്‍ നിര്‍മ്മിക്കുകയും ചെയ്യും.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/04/08/3kJDPZlwQpX5NpcmH5Ac.jpg)