ഡബ്ലിനിലെ ബ്ലൂബെല്ലില്‍ 380 അപ്പാര്‍ട്ട്‌മെന്റുകള്‍ നിര്‍മ്മിക്കാന്‍ പദ്ധതി സമര്‍പ്പിച്ചു. ഗ്രാൻഡ് കാനലിന് സമീപം അപ്പാര്‍ട്ട്‌മെന്റുകള്‍ നിര്‍മ്മിക്കാനാണ് ഡബ്ലിൻ സിറ്റി കൗൺസിലും ലാൻഡ് ഡെവലപ്പ്മെന്റ് ഏജൻസിയും നീക്കം നടത്തുന്നത്. പ്രദേശാസികളുമായി ഒരു വര്‍ഷത്തോളം നീണ്ട കൂടിയാലോചനയ്ക്ക് ശേഷമാണ് പദ്ധതി പ്രാവര്‍ത്തികമാക്കാനൊരുങ്ങുന്നതെന്ന് അധികൃതര്‍ പറഞ്ഞു.
380 അപ്പാര്‍ട്ട്‌മെന്റുകളില്‍ 150 എണ്ണം സോഷ്യല്‍ഹോമുകളായിരിക്കും. ബാക്കിയുള്ളവ കോസ്റ്റ് റെന്റൽ സ്കീം പ്രകാരമുള്ളവയും. ബ്ലൂബെൽ റോഡിലെ ബ്ലൂബെൽ അവെന്യൂവില്‍ ആണ് നിര്‍മ്മാണം നടക്കുക.
നിലവില്‍ ഇവിടെയുള്ള പല കെട്ടിടങ്ങളും പൊളിച്ച് നീക്കിയ ശേഷമാണ് പദ്ധതി നിര്‍മ്മാണമാരംഭിക്കുന്നത്. അഞ്ച് ബ്ലോക്കുകളായി നിര്‍മ്മിക്കുന്ന അപ്പാര്‍ട്ട്‌മെന്റുകളില്‍ ഓരോ ബ്ലോക്കും അഞ്ച് മുതല്‍ ഒമ്പത് നില വരെ ഉയരമുള്ളവയായിരിക്കും. ആകെ 383 അപ്പാര്‍ട്ട്‌മെന്റുകളാണ് ഉണ്ടാകുക. ഇതില്‍ 22 സ്റ്റുഡിയോ അപ്പാര്‍ട്ട്‌മെന്റുകള്‍, 131 വണ്‍ ബെഡ് അപ്പാര്‍ട്ട്‌മെന്റുകള്‍, 192 ടു ബെഡ് അപ്പാര്‍ട്ട്‌മെന്റുകള്‍, 38 ത്രീ ബെഡ് അപ്പാര്‍ട്ട്‌മെന്റുകള്‍എന്നിവ ഉള്‍പ്പെടും. മൂന്നെണ്ണം കമ്മ്യൂണിറ്റി/കള്‍ച്ചറല്‍ യൂണിറ്റുകളും, ക്രെഷുമാക്കാന്‍ ഉപയോഗിക്കും. 141 കാര്‍ പാര്‍ക്കുകള്‍, 945 സൈക്കിള്‍ പാര്‍ക്കുകള്‍ എന്നിവയും പൂന്തോട്ടവും ഇതിനൊപ്പം നിര്‍മ്മിക്കും.
പദ്ധതിയുമായി ബന്ധപ്പെട്ട് പരാതികളോ, നിര്‍ദ്ദേശങ്ങളോ ഉള്ളവര്‍ താഴെ പറയുന്ന വെബ്‌സൈറ്റ് വഴി 2025 ജൂണ്‍ 19-ന് മുമ്പായി അവ സമര്‍പ്പിക്കണമെന്ന് ഡബ്ലിന്‍ സിറ്റി കൗണ്‍സില്‍ അറിയിച്ചു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/05/09/XvJjPL4IAeafZOYHwvK7.jpg)