ടിപ്പററിയിൽ 47-കാരൻ കൊല്ലപ്പെട്ട സംഭവം: യുവതി അറസ്റ്റിൽ

കൗണ്ടി ടിപ്പററിയിലെ അപ്പാര്‍ട്ട്‌മെന്റില്‍ ചെക്ക് റിപ്പബ്ലിക് സ്വദേശിയായ പുരുഷനെ മരിച്ച നിലയില്‍ കണ്ടെത്തിയതുമായി ബന്ധപ്പെട്ട് 24-കാരി അറസ്റ്റില്‍. ഒക്ടോബര്‍ 4-നാണ് O’Callaghan’s Lane-ലെ Carrick-on-Suir-ലെ അപ്പാര്‍ട്ട്‌മെന്റില്‍ Pavel Javorski എന്ന 47-കാരനെ മരിച്ച നിലയില്‍ കണ്ടെത്തിയത്.

സംഭവത്തില്‍ ഇന്നലെ ഉച്ചയ്ക്ക് 2 മണിയോടെയായിരുന്നു Karolina Kovacova എന്ന യുവതിയെ അറസ്റ്റ് ചെയ്തത്. ശേഷം പ്രത്യേക സിറ്റിങ്ങില്‍ ഇവരെ Clonmel District Court-ല്‍ ഹാജരാക്കി റിമാന്‍ഡ് ചെയ്തു. കൊലക്കുറ്റമാണ് ഇവര്‍ക്ക് മേല്‍ ചുമത്തിയിരിക്കുന്നത്.

പ്രതിയായ യുവതിയും ചെക്ക് സ്വദേശിയാണ്. ഇവര്‍ക്ക് ദ്വിഭാഷിയുടെ സഹായവും, സൗജന്യ നിയമസഹായവും നല്‍കിയിട്ടുണ്ട്.