ഇറ്റലിയിലെ പ്രെനെസ്റ്റിനയിൽ പ്രവാസികളടക്കം നിരവധി യാത്രക്കാരുമായി പോയ ബസിന് തീപിടിച്ചു. ഡ്രൈവർ അലാറം മുഴക്കി വാഹനം നിർത്തിയതിനാൽ ഒഴിവായത് വലിയ ദുരന്തം. ബസ് പൂർണമായും കത്തിനശിച്ചു - വീഡിയോ

റോം: ഇറ്റലിയിലെ റോം ന​ഗരത്തിലെ പ്രെനെസ്റ്റിനയിൽ ഒടിക്കൊണ്ടിരുന്ന ബസിന് തീപിടിച്ചു. പ്രവാസികളടക്കം നിരവധി യാത്രക്കാരുമായി സഞ്ചരിച്ച പബ്ളിക്ക് ട്രാൻസ്പോർട്ട് ബസിനാണ് തീ പിടിച്ചത്. 

View this post on Instagram

A post shared by Arun N R (@arun.ravindran.777)

തീ പടരുന്നത് ശ്രദ്ധയിൽപ്പെട്ട ബസ് ഡ്രൈവർ അലാറം മുഴക്കി വാഹനം നിർത്തിയതിനാൽ വലിയ ദുരന്തം ഒഴിവായി. സംഭവത്തിൽ ആർക്കും പരിക്കേറ്റിട്ടില്ലെന്നാണ് ലഭിക്കുന്ന വിവരം. ഇന്ന് ഉച്ചക്ക് ശേഷം 3 മണിയോടെയായിരുന്നു അപകടം.

ബസിൽ നിന്നും പുകയുയർന്നതോടെ യാത്രക്കാർ പരിഭ്രാന്തരായി. എന്നാൽ എല്ലാ യാത്രക്കാരേയും സുരക്ഷിതരായി പുറത്തെത്തിച്ചു. ബസിന്റെ പിൻഭാഗം തീജ്വാലകൾ കൊണ്ട് കത്തിനശിച്ചു. അഗ്നിശമന സേനാംഗങ്ങളും ലോക്കൽ പോലീസും റോം ട്രാൻസ്പോർട്ട് ജീവനക്കാരും സ്ഥലത്തുണ്ടായിരുന്നു.