കുവൈത്ത് കെ എം സി സി തൃശൂർ ജില്ലാ സമ്മേളനം 3ന് സമാപിക്കും

കുവൈത്ത് സിറ്റി: കുവൈത്ത് കെ എം സി സി തൃശൂർ  ജില്ലാ സമ്മേളനത്തിന്റെ സമാപനം 2025 ഒക്ടോബർ 03 വെള്ളിയാഴ്ച വൈകുന്നേരം 6:00PM മുതൽ അബ്ബാസിയ ഇന്റഗ്രേറ്റഡ് ഇന്ത്യൻ സ്കൂൾ ഓപ്പൺ ഓഡിറ്റോറിയത്തിൽ വെച്ച് നടക്കും.

മുസ്ലിം ലീഗ് നേതാക്കളായ പാണക്കാട് സയ്യിദ് മുനവ്വറലി ശിഹാബ് തങ്ങൾ(പ്രസിഡണ്ട് മുസ്ലിം യൂത്ത് ലീഗ്),സി.എച്ച്. റഷീദ് (മുസ്ലിം ലീഗ് സംസ്ഥാന വൈസ് പ്രസിഡണ്ട്),സി.എ.മുഹമ്മദ് റഷീദ് (മുസ്ലിം ലീഗ് തൃശൂർ ജില്ലാ പ്രസിഡണ്ട്), പി.എം.അമീർ(മുസ്ലിം ലീഗ് തൃശൂർ ജില്ലാ ജനറൽ സെക്രട്ടറി), അഡ്വ: ഷിബു മീരാൻ (മുസ്ലിം യൂത്ത് ലീഗ് ദേശീയ ഒർഗനൈസിംഗ് സെക്രട്ടറി) തുടങ്ങിയവർ മുഖ്യാതിഥികളായി പങ്കെടുക്കും.

പ്രശസ്ത ഗായകൻ ഉസ്താദ് അഷ്‌റഫ് പാലപ്പെട്ടി നയിക്കുന്ന സൂഫീ സംഗീതനിശയും സമ്മേളനത്തിന്റെ ഭാഗമായി നടക്കുന്നുണ്ട്.

കുവൈത്ത് കെ.എം.സി.സി തൃശ്ശൂർ ജില്ലാ കമ്മിറ്റി പ്രഖ്യാപിച്ച,കേരള നിയമസഭയുടെ മുൻ സ്പീക്കർ കെ.എം. സീതി സാഹിബിന്റെ പേരിലുള്ള രണ്ടാമത് അവാർഡുകൾ ഡോ: മുസ്തഫ സയ്യിദ് അഹ്മദ് അൽ മൗസവി (ആരോഗ്യം), ഡോ. ബോബി ചെമ്മണ്ണൂർ(ജീവ കാരുണ്യം),സിഷോർ മുഹമ്മദ് അലി(ബിസ്സിനസ്സ്) എന്നിവർക്ക് ചടങ്ങിൽ വെച്ച് പാണക്കാട് സയ്യിദ് മുനവ്വറലി ശിഹാബ് തങ്ങൾ,സമ്മാനിക്കും.
 
സമ്മേളനത്തോടനുബന്ധിച്ച് സംഘടിപ്പിക്കുന്ന'തൃശൂർ സി.എച്ച് സെന്റർ മീറ്റപ്പ്'  വെള്ളിയാഴ്ച ഉച്ചക്ക് ഒരു മണിക്ക് കുവൈത്ത് സിറ്റിയിലുള്ള  പാർക്ക് അവന്യുസ് ഹോട്ടലിൽ വെച്ചു നടക്കും.

മെഡിക്കൽ ക്യാമ്പ്,വിദ്യാഭ്യാസ അവാർഡ് ദാനം, മാപ്പിളപ്പാട്ട് മത്സരം, ക്വിസ് മത്സര,പാചക മത്സരം തുടങ്ങീ വ്യത്യസ്തമായ പ്രോഗ്രാമുകൾ സമ്മേളനത്തിന്റെ ഭാഗമായി കഴിഞ്ഞ ദിവസങ്ങളിൽ സംഘടിപ്പിച്ചിരുന്നു.അവർക്കുള്ള സമ്മാനദാനവും സമ്മേളനത്തിൽ വെച്ച് വിതരണം ചെയ്യും.

ഹബീബുള്ള മുറ്റിച്ചൂർ, പ്രസിഡന്റ് കുവൈത്ത് കെഎംസിസി തൃശ്ശൂർ ജില്ലാ കമ്മിറ്റി, മുഹമ്മദലി ചെറുതുരുത്തി, ജനറൽ സെക്രട്ടറി - കുവൈത്ത് കെഎംസിസി തൃശ്ശൂർ ജില്ലാ കമ്മിറ്റി, അസീസ് പാടൂർ - ട്രഷറർ -കുവൈത്ത് കെഎംസിസി തൃശ്ശൂർ ജില്ലാ കമ്മിറ്റി തുടങ്ങിയവർ പത്ര സമ്മേളനത്തിൽ പങ്കെടുത്തു.