കെ. ഐ. ജി ഇംഗ്ലീഷ് മദ്രസ ഇന്റർ-സ്കൂൾ മത്സരം സംഘടിപ്പിച്ചു

കുവൈത്ത് സിറ്റി: കേരള ഇസ്‌ലാമിക് ഗ്രൂപ്പ് (കെ.ഐ.ജി) എജ്യുക്കേഷൻ ബോർഡിന് കീഴിലുള്ള ഇംഗ്ലീഷ് മദ്രസ ഫോർ ഇസ്‌ലാമിക് സ്റ്റഡീസ്, കുവൈത്തിലെ വിവിധ സ്കൂളുകളിൽ പഠിക്കുന്ന വിദ്യാർത്ഥികൾക്കായി ഇൻ്റർ-സ്കൂൾ ഇസ്‌ലാമിക് കോമ്പറ്റീഷൻ 2025 സംഘടിപ്പിച്ചു. 

സാൽമിയയിലെ അൽ നജാത്ത് സ്കൂളിൽ വെച്ച് നടന്ന ഈ മത്സരത്തിൽ ഖുർആൻ പാരായണം, ഖുർആൻ മനഃപാഠം, പ്രസംഗം, കാലിഗ്രാഫി, കളറിംഗ് എന്നിങ്ങനെ അഞ്ച് പ്രധാന ഇനങ്ങളാണുണ്ടായിരുന്നത്. 

ആൺകുട്ടികൾക്കും പെൺകുട്ടികൾക്കും വെവ്വേറെയായി കിഡ്‌സ്, സബ്-ജൂനിയർ, ജൂനിയർ, സീനിയർ എന്നീ വിഭാഗങ്ങളിലായാണ് മത്സരങ്ങൾ നടന്നത്.

കുവൈത്തിലെ ഇരുപത്തഞ്ചിലധികം സ്കൂളുകളിൽ നിന്നുള്ള 600 ലധികം വിദ്യാർത്ഥികൾ വിവിധ മത്സരങ്ങളിൽ തങ്ങളുടെ കഴിവുകൾ പ്രദർശിപ്പിച്ചു.

വിജയികളെ ട്രോഫികളും മെഡലുകളും സർട്ടിഫിക്കറ്റുകളും നൽകി ആദരിച്ചു. അബ്ദുൽ മുഹ്സിൻ അൽ ലഹ്‌വ്, ഖുതൈബ അൽ സുവൈദ്, ഖാലിദ് അൽ സബ, ഫൈസൽ മഞ്ചേരി, ഫിറോസ് ഹമീദ്, അൻവർ സഈദ് എന്നിവരുൾപ്പെടെ നിരവധി വിശിഷ്ട വ്യക്തികൾ ചടങ്ങിൽ പങ്കെടുത്തു.

സ്കൂൾ തലത്തിൽ, ഇന്ത്യ ഇൻ്റർനാഷണൽ സ്കൂൾ മംഗഫ് ഓവറോൾ ചാമ്പ്യന്മാരായി. ഇന്ത്യൻ കമ്മ്യൂണിറ്റി സ്കൂൾ ഖൈത്താൻ രണ്ടാം സ്ഥാനത്തും ഫഹാഹീൽ അൽ വതനിയ ഇന്ത്യൻ പ്രൈവറ്റ് സ്കൂൾ (ഡി.പി.എസ്) മൂന്നാം സ്ഥാനത്തും എത്തി.

ഇംഗ്ലീഷ് മദ്രസ ഫോർ ഇസ്‌ലാമിക് സ്റ്റഡീസ്, കുവൈറ്റിലെ വിവിധ സ്ഥലങ്ങളിൽ എല്ലാ ശനിയാഴ്ചകളിലും രാവിലെ 8:00 മുതൽ ഉച്ചയ്ക്ക് 1:00 വരെ പ്രവാസി വിദ്യാർത്ഥികൾക്കായി ക്ലാസുകൾ നടത്തുന്നുണ്ട്. 

കെ.ജി തലം മുതൽ പ്രൈമറി തലം വരെ ഖുർആൻ, ഹദീസ്, അഖീദ, ഫിഖ്ഹ്, ഇസ്‌ലാമിക ചരിത്രം, ദിനംപ്രതിയുള്ള ദുആകൾ, മര്യാദകൾ എന്നിവ ഉൾപ്പെടുന്ന സമഗ്രമായ പാഠ്യപദ്ധതിയാണ് ഇവിടെയുള്ളത്.

കുവൈത്തിൽ താമസിക്കുന്ന പ്രവാസി വിദ്യാർത്ഥികൾക്കായി അഡ്മിഷൻ തുടരുന്നു, കൂടാതെ ഗതാഗത സൗകര്യവും ലഭ്യമാണ്.

കൂടുതൽ വിവരങ്ങൾക്കായി ബന്ധപ്പെടുക:

ഫഹാഹീൽ     : 65762175

ഖൈത്താൻ    : 65757138

സാൽമിയ       : 55238583

ഫഹാഹീൽ     : 65762175

ജഹ്‌റ              : 99354375

മലയാളം മദ്രസകളിൽ അഡ്മിഷൻ നേടുന്നതിന് ഈ നമ്പറുകളിൽ ബന്ധപ്പെടുക:

സാൽമിയ       : 66977039

ഫർവാനിയ     : 50111731 

അബ്ബാസിയ    : 99771469 

ഫഹാഹീൽ     : 65975080