കുവൈറ്റിൽ പുതിയ വിസ സംവിധാനം: 'വിസിറ്റ് കുവൈറ്റ്' പോർട്ടൽ പ്രവർത്തനമാരംഭിച്ചു

കുവൈറ്റ് സിറ്റി: കുവൈറ്റിലേക്ക് വിനോദസഞ്ചാരികളെ ആകർഷിക്കുന്നതിനായി ഏകീകൃത ദേശീയ ഓൺലൈൻ പ്ലാറ്റ്‌ഫോമായ 'വിസിറ്റ് കുവൈറ്റ്' ഔദ്യോഗികമായി പ്രവർത്തനമാരംഭിച്ചു. 

ഇൻഫർമേഷൻ ആൻഡ് കൾച്ചർ മന്ത്രിയും യുവജനകാര്യ സഹമന്ത്രിയുമായ അബ്ദുൽറഹ്മാൻ അൽ-മുതൈരിയാണ് ശനിയാഴ്ച ഈ സുപ്രധാന പ്രഖ്യാപനം നടത്തിയത്.

എന്താണ് 'വിസിറ്റ് കുവൈറ്റ്'?

• വിനോദസഞ്ചാരികൾക്ക് ടൂറിസ്റ്റ് വിസ നേടുന്നതിനുള്ള ഏക ദേശീയ കവാടമാണിത് (Single National Gateway).
• രാജ്യത്തെ വിവിധ സാംസ്കാരിക, കലാ, വിനോദ പരിപാടികളിൽ പങ്കെടുക്കാൻ ഈ ആപ്പ് സന്ദർശകരെ സഹായിക്കും.
•  ഇതിൽ സ്മാർട്ട് ഇന്ററാക്ടീവ് മാപ്പ്, പ്രത്യേക ഓഫറുകൾ എന്നിവ ലഭ്യമാണ്.
• സന്ദർശകർക്ക് കുവൈറ്റിലെ തങ്ങളുടെ വിവിധ പ്രവർത്തനങ്ങൾ പൂർണ്ണമായി ആസൂത്രണം ചെയ്യാൻ ഈ പ്ലാറ്റ്‌ഫോം അവസരം നൽകുന്നു.
• ആപ്പിന്റെ ഇന്റർഫേസ് അറബിക്, ഇംഗ്ലീഷ് ഭാഷകളിൽ ലഭ്യമാണ്.

വിസ നിയമങ്ങളിലെ മറ്റ് പ്രധാന മാറ്റങ്ങൾ:

• ജിസിസി റെസിഡൻ്റുമാർക്ക് ഓൺ അറൈവൽ വിസ: ഗൾഫ് സഹകരണ കൗൺസിൽ (GCC) രാജ്യങ്ങളിൽ സാധുതയുള്ള താമസാനുമതിയുള്ള (റെസിഡൻസി പെർമിറ്റ്) വിദേശികൾക്ക് കുവൈറ്റിലെ ഏത് പ്രവേശന കവാടത്തിൽ നിന്നും ഓൺ അറൈവൽ ടൂറിസ്റ്റ് വിസ നേടാൻ കഴിയും.
• റെസിഡൻസി പെർമിറ്റിന് കുറഞ്ഞത് ആറ് മാസത്തെ സാധുതയുണ്ടായിരിക്കണം.
• വിസ വിഭാഗങ്ങൾ: ടൂറിസ്റ്റ്, ഫാമിലി (കുടുംബ സന്ദർശനം), ഗവൺമെൻ്റ്, ബിസിനസ് വിസകൾ എന്നിവയ്ക്കുള്ള അപേക്ഷകൾ നിലവിൽ 'കുവൈറ്റ് ഇ-വിസ' വെബ്സൈറ്റ് വഴിയും നൽകാവുന്നതാണ്.
• ടൂറിസ്റ്റ്, ഫാമിലി, ഗവൺമെൻ്റ് വിസകളിൽ രാജ്യത്ത് പ്രവേശിച്ചാൽ 90 ദിവസം വരെ താമസം അനുവദിക്കും. ബിസിനസ് വിസയിൽ 30 ദിവസമാണ് പരമാവധി താമസം.
• ഫാമിലി വിസിറ്റ് വിസ: ഈ വിസയുടെ കാലാവധി ഒരു മാസത്തിൽ നിന്ന് മൂന്ന് മാസമായി അടുത്തിടെ നീട്ടിയിരുന്നു. കൂടാതെ, നിശ്ചിത തുകയടച്ച് ഒരു വർഷം വരെ കാലാവധി നീട്ടാനും അധികൃതർ അവസരം നൽകിയിട്ടുണ്ട്.

ഈ പുതിയ നീക്കങ്ങൾ കുവൈറ്റിലെ വിനോദസഞ്ചാര മേഖലയ്ക്ക് വലിയ ഉണർവ് നൽകുമെന്നാണ് പ്രതീക്ഷിക്കുന്നത്

ടൗൺ പൊലീസ് സൈബർ സെല്ലുമായി ചേർന്ന് നടത്തിയ ശാസ്ത്രീയ അന്വേഷണത്തിൽ പ്രതിയെപ്പറ്റി മനസ്സിലാക്കുകയും കോഴിക്കോട് വെച്ച് ടൗൺ പോലീസ് സ്റ്റേഷൻ ഇൻസ്പെക്ടർ സജീഷിന്റെ നേതൃത്വത്തിൽ എസ്‍സിപിഒ മാരായ അജേഷ്, വിജീഷ്, സിപിഒ മാരായ അബ്ദുൾ ജലീൽ, പ്രസാദ് എന്നിവരടങ്ങുന്ന അന്വേഷണസംഘം പ്രതിയെ കസ്റ്റഡിയിലെടുത്തു. 

എസ്എം സ്ട്രീറ്റിൽ ടാറ്റൂ ആർട്ടിസ്റ്റായി ജോലി ചെയ്യുന്ന പ്രതി മയക്കുമരുന്ന് ഉപയോഗിക്കുന്നതിനിടെ പിടിയിലായതിന് നടക്കാവ് പൊലീസ് സ്റ്റേഷനിൽ ഒരു കേസ് നിലവിലുണ്ട്. അറസ്റ്റ് രേഖപ്പെടുത്തിയ ശേഷം പ്രതിയെ കോടതിയിൽ ഹാജരാക്കി.