കെ.കെ.ഐ.സി ഫഹാഹീൽ മദ്രസ്സ സൗഹൃദ സായാഹ്ന സംഗമം

കുവൈത്ത് സിറ്റി: കുവൈത്ത് കേരള ഇസ്ലാഹീ സെന്റർ ഫഹാഹീൽ മദ്രസ്സ   രക്ഷിതാക്കളായി സൗഹൃദ സായാഹ്ന സംഗമം സംഘടിപ്പിച്ചു. 

ഫഹാഹീൽ ദാറുൽ ഖുർആനിൽ വെച്ച് നടന്ന പരിപാടിയിൽ  ദാറുൽ ഖുർആൻ ജനറൽ മാനേജർ സഊദ് അൽ ഹാജിരി മുഖ്യ അതിഥിയായി പങ്കെടുത്തു.

മുസ്തഫ സഖാഫി അൽ-കാമിലി “മാതൃകയാകണം രക്ഷിതാക്കൾ” എന്ന വിഷയത്തിൽ പ്രഭാഷണം നടത്തി.

മദ്രസയും രക്ഷിതാക്കളും തമ്മിലുള്ള ബന്ധം കൂടുതൽ ശക്തമാക്കുകയും മക്കളുടെ  പഠന ,മാനസിക വളർച്ചയ്ക്കായി രക്ഷിതാക്കളുടെ സഹകരണത്തോടെ എന്തൊക്കെ ചെയ്യാൻ കഴിയും എന്നതിലുള്ള ചർച്ചയും , നിർദ്ദേശങ്ങളും പരിപാടിയുടെ ഭാഗമായി നടന്നു.

മദ്രസ്സ പ്രധാന അധ്യാപകൻ സജു ചെമ്നാടിന്റെ അധ്യക്ഷതയിൽ നടന്ന പരിപാടിയിൽ കേന്ദ്ര ഭാരവാഹികളായ സി.പി.അബ്ദുൽ അസീസ്, അബ്ദുൽ അസീസ് നരക്കോട്, കെ.സി.മുഹമ്മദ് നജീബ് എന്നിവർ പങ്കെടുത്തു.