കെ.ഡി.എൻ.എ സംഘടിപ്പിക്കുന്ന "കഥാരസം" ചെറുകഥ മത്സരത്തിലേക്ക് എൻട്രികൾ ക്ഷണിക്കുന്നു

കുവൈത്ത് സിറ്റി: കോഴിക്കോട് ഡിസ്ട്രിക്ട് എൻ.ആർ.ഐ അസോസിയേഷൻ (കെ.ഡി.എൻ.എ) 2026 ഫെബ്രുവരി 13ന് നടക്കുന്ന മലബാർ മഹോത്സവത്തോടനുബന്ധിച്ച് സംഘടിപ്പിക്കുന്ന "കഥാരസം" ചെറുകഥ മത്സരത്തിലേക്ക് എൻട്രികൾ ക്ഷണിക്കുന്നു. 

പ്രമുഖ സാഹിത്യകാരന്മാർ വിധികർത്താക്കളാവുന്ന മത്സരത്തിൽ, കുവൈത്ത് പ്രവാസികൾക്ക് പ്രായ ഭേദമന്യേ പങ്കെടുക്കാം. സൃഷിടികൾ kdnakuwait@gmail.com അഥവാ krishnankadalundi@gmail.com എന്നീ ഇമെയിൽ ഐഡിയിലോ 97964348, 99447860 എന്നീ വാട്സ്ആപ്പ് നമ്പറുകളിലേക്കോ അയക്കാവുന്നതാണ്. 

കഥകൾ അയക്കേണ്ട അവസാന തീയതി 2026 ജനുവരി 25 വൈകുന്നേരം 7 മണി. വിജയികൾക്ക് മലബാർ മഹോത്സവം വേദിയിൽ (ഇന്ത്യൻ സെൻട്രൽ സ്കൂൾ ഓപ്പൺ ഗ്രൗണ്ട്) വെച്ച് ആദരവും പ്രശംസാ പത്രവും സമ്മാനിക്കുമെന്ന് സംഘാടകർ അറിയിച്ചു. 

മറ്റു നിബന്ധനകൾ:

1. മലയാള ഭാഷയിൽ പി.ഡി.എഫ് ഫോർമാറ്റിൽ അയക്കേണ്ട കഥകൾ, 5 പേജിൽ (മിനിമം ഫോണ്ട് സൈസ് - 10) കവിയാൻ പാടില്ല. കൈയെഴുത്ത് കഥകൾ സ്വീകരിക്കുന്നതല്ല.
2. കഥക്കൊപ്പം പി.ഡി.എഫിൽ കഥാകൃത്തിന്റെ പേരോ, ഫോൺനമ്പറോ മറ്റുസൂചനകളോ പാടില്ല.
3. കഥ ഇമെയിൽ ചെയ്യുന്നവർ പേരും, ഫോൺനമ്പറും മെയിൽ ബോഡിയിൽ ചേർത്ത്, സബ്ജക്ട് "കഥാരസം" എന്നു വെക്കുക. കഥ വാട്സപ്പിലാണ് അയക്കുന്നതെങ്കിൽ അനുബന്ധമായി കഥാകൃത്തിന്റെ പേരും ഫോൺനമ്പറും ചേർക്കുക.
4. മത്സരത്തിനായി സമർപ്പിക്കുന്ന കഥ മൗലിക രചനയാണെന്നും, അത് മുൻപ് എവിടെയും പ്രസിദ്ധീകരിച്ചിട്ടില്ലെന്നും സാക്ഷ്യപ്പെടുത്തുന്ന സാക്ഷ്യപത്രം കഥയോടൊപ്പം മറ്റൊരു പേജിൽ അയക്കേണ്ടതാണ്.
5. ഒരു കഥാകൃത്തിന് മത്സരത്തിനായി ഒരു കഥ മാത്രം സമർപ്പിക്കാം. കഥ അയച്ച ശേഷം തിരുത്തലുകൾ അനുവദിക്കുന്നതല്ല.
6. നിബന്ധനകൾ പാലിക്കാത്തതും നിശ്ചയിച്ച അവസാന തീയതിക്ക് ശേഷം ലഭിക്കുന്നതുമായ എൻട്രികൾ പരിഗണിക്കുന്നതല്ല.
7. മത്സരം സംബന്ധിച്ച വിധികർത്താക്കളുടെ തീരുമാനം അന്തിമമായിരിക്കും.