ഡ്രോണുകൾക്കും ആകാശചിത്രീകരണത്തിനും കുവൈറ്റിൽ സമ്പൂർണ്ണ വിലക്ക്

കുവൈറ്റ് സിറ്റി: രാജ്യത്തെയും മേഖലയിലെയും നിലവിലെ സുരക്ഷാ സാഹചര്യം കണക്കിലെടുത്ത് ഡ്രോണുകൾ പറത്തുന്നതിനും ആകാശചിത്രീകരണത്തിനും കുവൈറ്റ് ആഭ്യന്തര മന്ത്രാലയം കർശനമായ വിലക്കേർപ്പെടുത്തി. 

സുരക്ഷാ പ്രവർത്തനങ്ങൾ തടസ്സമില്ലാതെ ഉറപ്പാക്കുന്നതിൻ്റെ ഭാഗമായാണ് ഈ അടിയന്തര നടപടി.

ഡ്രോൺ ഉപയോഗത്തിനും എല്ലാവിധ ആകാശചിത്രീകരണത്തിനും രാജ്യമുടനീളം സമ്പൂർണ്ണ നിരോധനം ഏർപ്പെടുത്തിയിട്ടുണ്ട്. സുരക്ഷാ നടപടികൾക്ക് തടസ്സമുണ്ടാകാതിരിക്കാനും ഫീൽഡ് ഓപ്പറേഷനുകളുടെ കൃത്യത ഉറപ്പാക്കാനുമാണ് ഈ തീരുമാനം.

നിർദ്ദേശങ്ങൾ ലംഘിക്കുന്നവർക്കെതിരെ ഒട്ടും വിട്ടുവീഴ്ചയില്ലാതെ രാജ്യത്തെ നിയമമനുസരിച്ച് കർശനമായ നിയമനടപടികൾ സ്വീകരിക്കും.