കുവൈറ്റിൽ ട്രാഫിക് മുന്നറിയിപ്പ്: അഞ്ചാം നമ്പർ റിങ് റോഡ് ഭാഗികമായി അടച്ചു. ഗതാഗതക്കുരുക്കിന് സാധ്യത

കുവൈറ്റ് സിറ്റി: പൊതുഗതാഗത വകുപ്പ് അഞ്ചാം നമ്പർ റിങ് റോഡിൽ  ഭാഗികമായ അടച്ചു ഷെയ്ഖ് സായിദ് ബിൻ സുൽത്താൻ അൽ നഹ്യാൻ റോഡിലെ ഖൈറുവാനിൽ നിന്നുള്ള ട്രാഫിക്കിനെ ഇത് കാര്യമായി ബാധിക്കും. 

ഇന്ന് ജൂലൈ 26 ശനിയാഴ്ച മുതൽ 2025 ഓഗസ്റ്റ് 1 വെള്ളിയാഴ്ച വരെയാണ് ഈ അടച്ചിടൽ പ്രാബല്യത്തിൽ വരുന്നത്.

അൽ സുലൈബിയ ഏരിയയിലേക്കും പുറത്തേക്കുമുള്ള പ്രവേശന കവാടങ്ങളും എക്സിറ്റുകളും ഈ ദിവസങ്ങളിൽ പൂർണ്ണമായും അടച്ചിടും.

അഞ്ചാം നമ്പർ റിങ് റോഡിലൂടെ ഈ പ്രദേശത്തേക്ക് വരുന്നവരെയും പോകുന്നവരെയും ഇത് നേരിട്ട് ബാധിക്കും. 

അതിനാൽ, സാധാരണയായി ഈ റോഡ് ഉപയോഗിക്കുന്ന യാത്രക്കാർക്ക് ഗണ്യമായ കാലതാമസവും ഗതാഗതക്കുരുക്കും ഉണ്ടാകാൻ സാധ്യതയുണ്ട്.

വാഹനമോടിക്കുന്നവർ ഈ ദിവസങ്ങളിൽ അതീവ ജാഗ്രത പാലിക്കണമെന്നും ബദൽ റൂട്ടുകൾ കണ്ടെത്തണമെന്നും അധികൃതർ അഭ്യർത്ഥിച്ചു. 

യാത്രാതടസ്സങ്ങൾ ഒഴിവാക്കാൻ ഡ്രൈവർമാർ തങ്ങളുടെ യാത്രകൾ മുൻകൂട്ടി ആസൂത്രണം ചെയ്യുകയും ഗതാഗത വിവരങ്ങൾക്കായി   മാധ്യമങ്ങൾ ശ്രദ്ധിക്കുകയും ചെയ്യുന്നത് ഉചിതമായിരിക്കും. 

പൊതുജനങ്ങളുടെ സഹകരണം ഈ ഗതാഗത നിയന്ത്രണങ്ങൾ സുഗമമാക്കാൻ അത്യന്താപേക്ഷിതമാണ്.