കുവൈത്തിലെ ഈ റോഡ് ഭാഗികമായി അടയ്ക്കും; ഗതാഗതത്തിന് ബദൽ വഴികൾ തിരഞ്ഞെടുക്കാൻ നിർദേശിച്ചു ട്രാഫിക് വിഭാഗം

കുവൈത്ത് സിറ്റി: കുവൈത്തിലെ പ്രധാന റോഡായ ശൈഖ് ഈസ ബിൻ സൽമാൻ ആൽ ഖലീഫ (ഫഹഹീൽ റോഡ് 30) റോഡ് ഭാഗികമായി അടയ്ക്കുന്നതായി പൊതുഗതാഗത അതോറിറ്റി അറിയിച്ചു. 

ഒന്നാം റിംഗ് റോഡിന്റെ ജംഗ്ഷൻ മുതൽ മൂന്നാം റിംഗ് റോഡ് വഴി തെക്കോട്ട് ഫഹഹീലിലേക്കുള്ള ഭാഗമാണ് അടയ്ക്കുക.

കൂടാതെ, ഫഹഹീൽ റോഡ് 30-ൽ ദസ്മ, ദായിയ പ്രദേശങ്ങളിലെ പ്രവേശന-പുറത്തുകടക്കൽ വഴികളും, രണ്ടാം റിംഗ് റോഡും അടയ്ക്കും.

തീയതിയും സമയവും:

2025 ഓഗസ്റ്റ് 16 ശനിയാഴ്ച പുലർച്ചെ മുതൽ 2025 ഓഗസ്റ്റ് 24 ഞായറാഴ്ച പുലർച്ചെ വരെയാണ് റോഡ് അടയ്ക്കുക.

യാത്രക്കാർക്ക് ബുദ്ധിമുട്ടുകൾ ഒഴിവാക്കുന്നതിനായി ബദൽ വഴികളും നിർദ്ദേശിച്ചിട്ടുണ്ട്:

•  കിംഗ് ഫഹദ് ബിൻ അബ്ദുൽ അസീസ് റോഡ് (റോഡ് 40)
•  ഷാരിയ അൽ ഖാഹിറ (റോഡ് 35)
•  ഷാരിയ അൽ ഖലീജ് അൽ അറബി (തീരദേശ റോഡ് 25)

ഈ സമയങ്ങളിൽ യാത്രക്കാർ ഗതാഗത നിയന്ത്രണങ്ങളുമായി സഹകരിക്കണമെന്ന് അധികൃതർ അഭ്യർത്ഥിച്ചു.