കുവൈറ്റിൽ യുവാവിനെ വാഹനമിടിപ്പിച്ചു കൊലപ്പെടുത്തി. മൃതദേഹം പലതവണ വാഹനം കയറ്റിയിറക്കിയ നിലയിൽ. പ്രതി പോലീസിനു മുന്നിൽ കീഴടങ്ങി. കൊലപാതകത്തിനു പിന്നിൽ വ്യക്തിവൈരാ​ഗ്യം

കുവൈറ്റ് സിറ്റി: അൽ ഫിർദൗസിൽ യുവാവിനെ വാഹനമിടിപ്പിച്ചു കൊലപ്പെടുത്തിയ സംഭവത്തിന്റെ ഞെട്ടലിൽ രാജ്യം. മൃതദേഹം പലതവണ വാഹനം കയറ്റിയിറക്കിയ നിലയിൽ കണ്ടെത്തുകയായിരുന്നു. 

കൊലപാതകവിവരം ഓപ്പറേഷൻ റൂമിൽ അറിയിപ്പ് ലഭിച്ചതിനെ തുടർന്ന് സുരക്ഷാസേനയും അന്വേഷണ ഉദ്യോഗസ്ഥരും സ്ഥലത്തെത്തി.

പ്രാഥമിക പരിശോധനയും മൃതദേഹത്തിന് മുകളിലൂടെ പല തവണ മനപ്പൂർവ്വം വാഹനം ഓടിച്ചെന്ന് കണ്ടെത്തി. 

സംഭവം നടന്നതിന് തൊട്ടുപിന്നാലെ ഒരു ഗൾഫ് പൗരൻ പോലീസ് സ്റ്റേഷനിൽ എത്തി കീഴടങ്ങി. വ്യക്തിപരമായ തർക്കത്തെ തുടർന്ന് താൻ മനപ്പൂർവ്വം ഇരയുടെ ശരീരത്തിലൂടെ വാഹനം ഓടിച്ചതായി അയാൾ സമ്മതിച്ചിട്ടുണ്ട്. 

തുടർന്ന് പബ്ലിക് പ്രോസിക്യൂഷൻ സ്ഥലത്തെത്തി മൃതദേഹം ഫോറൻസിക് മെഡിസിൻ ഡിപ്പാർട്ട്മെന്റിലേക്ക് മാറ്റാൻ ഉത്തരവിട്ടു. പ്രതിയെ അന്വേഷണത്തിനായി കസ്റ്റഡിയിലെടുത്തു.