മാതു സജിക്ക് ഫോക്കിന്റെ സ്വീകരണം

കുവൈത്ത് സിറ്റി: പതിനെട്ടാമത് ഗോൾഡൻ ഫോക്ക് അവാർഡ് സ്വീകരിക്കുന്നതിനായി കുവൈത്തിലെത്തിയ പ്രശസ്ത മാധ്യമപ്രവർത്തകയും, മാതൃഭൂമി ന്യൂസിലെ സീനിയർ സബ് എഡിറ്ററുമായ മാതു സജിക്ക് കുവൈത്ത് അന്താരാഷ്ട്ര വിമാനത്താവളത്തിൽ ഫോക്ക് ഭാരവാഹികൾ സ്വീകരണം നൽകി.

ഫോക്കിന്റെ ഇരുപതാം വാർഷികാഘോഷമായ "കണ്ണൂർ മഹോത്സവം 2025" നവംബർ 14-ന് (വെള്ളിയാഴ്ച്ച) ഉച്ചയ്ക്ക് 02:30 മുതൽ അഹമ്മദി ഡൽഹി പബ്ലിക് സ്കൂൾ ഓഡിറ്റോറിയത്തിൽ വെച്ച് നടക്കും.

കണ്ണൂർ മഹോത്സവം 2025 ൻ്റെ പ്രൗഡ ഗംഭീരമായ വേദിയിൽ വെച്ച് മാതു സജിക്ക് ഗോൾഡൻ ഫോക്ക് അവാർഡ് സമ്മാനിക്കും.