വന്‍ മയക്കുമരുന്ന് കടത്തല്‍ ശ്രമം  പരാജയപ്പെടുത്തി അധികൃതര്‍

51 കിലോ മയക്കുമരുന്ന് കടത്താനുള്ള ശ്രമം തീരസംരക്ഷണ സേന പരാജയപ്പെടുത്തി രണ്ട് പ്രതികളെ അറസ്റ്റ് ചെയ്തു. കോസ്റ്റ് ഗാര്‍ഡ്, ഡ്രഗ് കണ്‍ട്രോള്‍ ഡിപ്പാര്‍ട്ട്മെന്റിന്റെ സഹകരണത്തോടെ, 150,000 കുവൈത്തി ദിനാര്‍ വിലമതിക്കുന്ന 51 കിലോഗ്രാം മയക്കുമരുന്ന് കടത്താനുള്ള ശ്രമം പരാജയപ്പെടുത്തി. 

സമുദ്രത്തിലൂടെ മയക്കുമരുന്ന് കടത്താന്‍ ശ്രമിക്കുന്നതിനിടെ രണ്ട് ഈജിപ്ഷ്യന്‍ പ്രതികളെയാണ് അധികൃതര്‍ അറസ്റ്റ് ചെയ്തത്.  കൃത്യമായ വിവരങ്ങളുടെ അടിസ്ഥാനത്തില്‍ സംശയിക്കുന്നവരെ നിയമനടപടികള്‍ക്കായി അയച്ചു.