കുവൈത്ത് അന്താരാഷ്ട്ര വിമാനത്താവളത്തിൽ കസ്റ്റംസ് ഡയറക്ടർ ജനറൽ മിന്നൽ സന്ദർശനം നടത്തി

കുവൈത്ത്: കുവൈത്ത് അന്താരാഷ്ട്ര വിമാനത്താവളത്തിലെ ടെർമിനൽ 4-ൽ (T4) കുവൈത്ത് ജനറൽ അഡ്മിനിസ്ട്രേഷൻ ഓഫ് കസ്റ്റംസ് ഡയറക്ടർ ജനറൽ യൂസഫ് അൽ-നുവൈഫ് സന്ദർശനം നടത്തി. 

വിമാനത്താവളത്തിലെ കസ്റ്റംസ് പ്രവർത്തനങ്ങൾ നേരിട്ട് വിലയിരുത്തുക, ജീവനക്കാരുടെ ആവശ്യങ്ങൾ മനസ്സിലാക്കുക, പ്രവർത്തനങ്ങൾ കൂടുതൽ കാര്യക്ഷമമാക്കുക എന്നിവ ലക്ഷ്യമിട്ടാണ് ഈ സന്ദർശനം.

യാത്രക്കാരെ സ്വീകരിക്കുന്നതിനുള്ള നടപടിക്രമങ്ങളും പരിശോധനകളും അദ്ദേഹം നേരിട്ട് വിലയിരുത്തി. കസ്റ്റംസ് ഇൻസ്പെക്ടർമാരുമായി സംസാരിച്ച്, പ്രവർത്തനങ്ങൾ മെച്ചപ്പെടുത്തുന്നതിനുള്ള നിർദ്ദേശങ്ങൾ ചോദിച്ചറിഞ്ഞു. 

രാജ്യത്തിന്റെ സുരക്ഷ ഉറപ്പാക്കുന്നതിലും നിയമങ്ങൾക്കനുസൃതമായി വ്യാപാര-വാണിജ്യ പ്രവർത്തനങ്ങൾ സുഗമമാക്കുന്നതിലും കസ്റ്റംസ് ഉദ്യോഗസ്ഥരുടെ പങ്ക് വലുതാണെന്ന് അദ്ദേഹം പറഞ്ഞു. കൂടാതെ, രാജ്യസേവനത്തിനായുള്ള അവരുടെ ജാഗ്രതയെയും അർപ്പണബോധത്തെയും അദ്ദേഹം പ്രശംസിച്ചു.