വിഖ്യാത ഗായകൻ അക്കോൺ നവംബറിൽ കുവൈത്തിൽ സംഗീത വിരുന്നൊരുക്കും

കുവൈത്ത് സിറ്റി: ലോകമെമ്പാടുമുള്ള സംഗീത പ്രേമികൾ ആകാംഷയോടെ കാത്തിരുന്ന ആ പ്രഖ്യാപനം എത്തി.

പ്രശസ്ത അമേരിക്കൻ ആർ&ബി ഗായകനും ഹിറ്റ് മേക്കറുമായ അക്കോൺ (Akon) ഈ നവംബറിൽ കുവൈത്തിലെത്തുന്നു. നവംബർ 21-ന് കുവൈത്തിലെ പ്രമുഖ വേദിയായ 'ദി അരീന'യിൽ (The Arena) വെച്ചാണ് അദ്ദേഹത്തിന്റെ സംഗീത നിശ അരങ്ങേറുന്നത്.

2000-കാലങ്ങളിൽ "Smack That," "Lonely," "Don't Matter," തുടങ്ങിയ ഗാനങ്ങളിലൂടെ സംഗീത ലോകത്ത് തരംഗം സൃഷ്ടിച്ച അക്കോൺ, ഇന്നും ഇൻസ്റ്റാഗ്രാമിൽ 10 ദശലക്ഷത്തിലധികം ആരാധകരുമായി ശക്തമായ സാന്നിധ്യമാണ്. 

2015-ൽ കുവൈത്തിൽ പരിപാടി അവതരിപ്പിക്കാൻ പദ്ധതിയിട്ടിരുന്നെങ്കിലും അന്ന് അത് റദ്ദാക്കുകയായിരുന്നു.

ലോക റെക്കോർഡുകൾ സ്വന്തമാക്കിയ കലാകാരൻ സംഗീത ലോകത്തെ ചില അപൂർവ റെക്കോർഡുകൾ അക്കോൺ സ്വന്തമാക്കിയിട്ടുണ്ട്. 

ഏറ്റവും കൂടുതൽ റിംഗ്‌ടോണുകൾ വിറ്റഴിച്ച കലാകാരനെന്ന നിലയിൽ അദ്ദേഹം ഗിന്നസ് വേൾഡ് റെക്കോർഡ് നേടിയിട്ടുണ്ട്. കൂടാതെ, യൂട്യൂബിൽ ഒരു ബില്യൺ (100 കോടി) കാഴ്ചകൾ നേടുന്ന ആദ്യ കലാകാരനെന്ന ബഹുമതിയും അദ്ദേഹത്തിന് സ്വന്തമാണ്.

@fame.entmt (ഫെയിം എന്റർടൈൻമെന്റ്), @quantumconkw എന്നീ സ്ഥാപനങ്ങളാണ് അക്കോണിന്റെ ഈ ചരിത്രപരമായ തിരിച്ചുവരവ് കുവൈത്തിലേക്ക് എത്തിക്കുന്നത്. കച്ചേരിയുടെ ടിക്കറ്റുകൾ @thearenakuwait വഴി ഉടൻ വിൽപ്പനയ്ക്ക് എത്തിക്കുമെന്നും സംഘാടകർ അറിയിച്ചിട്ടുണ്ട്. 

കുവൈത്തിലെ സംഗീത പ്രേമികൾക്ക് ഒരു ദശാബ്ദത്തിന് ശേഷമുള്ള ഏറ്റവും വലിയ സംഗീത വിരുന്നാകും ഇത്.