ഗാസ വെടിനിർത്തൽ ഉച്ചകോടി: അമീർ ഷെയ്ഖ് മിഷാൽ അൽ-അഹ്മദ് അൽ സഭാഹിന്ന് ഈജിപ്തിൽ നിന്ന് ഔദ്യോഗിക ക്ഷണം

കുവൈറ്റ് സിറ്റി: ഗാസയിലെ യുദ്ധം അവസാനിപ്പിക്കുന്നതിനുള്ള കരാർ ഒപ്പിടുന്നതുമായി ബന്ധപ്പെട്ട് ഷാം എൽ-ഷെയ്ഖിൽ തിങ്കളാഴ്ച നടക്കുന്ന ഉച്ചകോടിയിൽ പങ്കെടുക്കാൻ ഈജിപ്ഷ്യൻ പ്രസിഡന്റ് അബ്ദുൽഫത്താഹ് അൽ-സിസിയിൽ നിന്ന് കുവൈറ്റ് അമീർ ഷെയ്ഖ് മേഷാൽ അൽ-അഹ്മദ് അൽ-ജാബർ അൽ-സബാഹിന് ഔദ്യോഗിക ക്ഷണം ലഭിച്ചു.

ഞായറാഴ്ചയാണ് അമീറിന് ക്ഷണം ലഭിച്ചത്. ഈജിപ്ഷ്യൻ അംബാസഡർ മുഹമ്മദ് അബു അൽ-വാഫ വിദേശകാര്യ മന്ത്രി അബ്ദുല്ല അൽ-യഹ്യയ്ക്ക് ക്ഷണക്കത്ത് കൈമാറിയതായി കുവൈറ്റ് വിദേശകാര്യ മന്ത്രാലയം പ്രസ്താവനയിൽ അറിയിച്ചു.

ഗാസയിലെ സംഘർഷം അവസാനിപ്പിച്ച് സമാധാനം സ്ഥാപിക്കുന്നതിനുള്ള സുപ്രധാനമായ ഒരു നീക്കമായിരിക്കും ഈ ഉച്ചകോടി. ഈ നിർണ്ണായക ചർച്ചകളിൽ കുവൈറ്റിന്റെ സാന്നിധ്യം മേഖലയിലെ സമാധാന ശ്രമങ്ങൾക്ക് കൂടുതൽ ശക്തി പകരുമെന്നാണ് പ്രതീക്ഷിക്കുന്നത്.