ഗാസ സമാധാന ഉച്ചകോടി: കുവൈത്ത് അമീറിന്റെ പ്രതിനിധിയായി പ്രധാനമന്ത്രി ഈജിപ്തിലേക്ക് യാത്ര തിരിച്ചു

കുവൈത്ത് സിറ്റി: പ്രധാനമന്ത്രി ശൈഖ് അഹമ്മദ് അബ്ദുല്ല അൽ അഹമ്മദ് അൽ സബാഹും അദ്ദേഹത്തോടൊപ്പമുള്ള ഉന്നതതല പ്രതിനിധി സംഘവും തിങ്കളാഴ്ച ഈജിപ്തിലേക്ക് യാത്ര തിരിച്ചു.

ഈജിപ്തിലെ ഷറം അൽ-ഷെയ്ഖിൽ നടക്കുന്ന ഗാസ സമാധാന ഉച്ചകോടിയിൽ കുവൈത്ത് അമീർ ശൈഖ് മിഷാൽ അൽ അഹമ്മദ് അൽ ജാബർ അൽ സബാഹിനെ പ്രതിനിധീകരിച്ചാണ് അദ്ദേഹം പങ്കെടുക്കുന്നത്.

ഗാസയിലെ നിലവിലെ സാഹചര്യങ്ങൾ ചർച്ച ചെയ്യുകയും സമാധാനം പുനഃസ്ഥാപിക്കാനുള്ള വഴികൾ കണ്ടെത്തുകയുമാണ് ഉച്ചകോടിയുടെ പ്രധാന ലക്ഷ്യം.