പൊതു വൈഫൈ ഉപയോഗിക്കുമ്പോൾ ശ്രദ്ധിക്കുക ! സുരക്ഷാ മുന്നറിയിപ്പുമായി കുവൈത്ത് ആഭ്യന്തര മന്ത്രാലയം

കുവൈത്ത് സിറ്റി: പൊതു വൈഫൈ (Public Wi-Fi) ശൃംഖലകൾ ഉപയോഗിക്കുന്നതിലെ അപകടസാധ്യതകളെക്കുറിച്ച് മുന്നറിയിപ്പുമായി കുവൈത്തിലെ ആഭ്യന്തര മന്ത്രാലയം  സൈബർ സുരക്ഷാ വിഭാഗമായ നാഷണൽ സൈബർ സെക്യൂരിറ്റി ബ്യൂറോയുമായി (NCSB) ചേർന്നാണ് 'അവബോധവും സംരക്ഷണവും' എന്ന തലക്കെട്ടോടെയുള്ള സുരക്ഷാ നിർദ്ദേശം പുറത്തുവിട്ടിരിക്കുന്നത്.

• പൊതു വൈഫൈയിലെ പ്രധാന അപകടസാധ്യതകൾ
   
  ഡാറ്റാ ചോർച്ചയും ഹാക്കിംഗും ഉപകരണങ്ങളിലേക്ക് അതിക്രമിച്ചു കയറാനും അതുവഴി വ്യക്തിഗത വിവരങ്ങൾ, ബാങ്ക് അക്കൗണ്ട് വിവരങ്ങൾ ഉൾപ്പെടെയുള്ള ഡാറ്റകൾ ചോർത്താനും സാധ്യതയുണ്ട്.
   
  പ്രധാനപ്പെട്ട വിവരങ്ങൾ നഷ്ടപ്പെടാനും സുരക്ഷാ ഭീഷണികൾ നേരിടാനും കാരണമാകും.
    
  ക്ഷുദ്രവെയറുകളും (Malware) വൈറസുകളും ഉപകരണങ്ങളിൽ പ്രവേശിക്കുകയും വിവരങ്ങൾ നശിപ്പിക്കുകയും ചെയ്യ അംഗീകാരമില്ലാത്ത വ്യക്തികൾക്ക് നെറ്റ്‌വർക്കിൽ പ്രവേശിച്ച് ഡാറ്റാബേസുകളിൽ അനധികൃതമായി കൈകാര്യം ചെയ്യാൻ സാധിക്കും.
    
  വിവരങ്ങൾ ചോർത്തുന്നതുമായി ബന്ധപ്പെട്ടോ സൈബർ കുറ്റകൃത്യങ്ങളുമായോ ബന്ധപ്പെട്ട് കമ്പനികൾക്കും വ്യക്തികൾക്കുമെതിരെ നിയമനടപടികളും സാമ്പത്തിക പിഴകളും (Financial Fines) ഉണ്ടാകാനുള്ള സാധ്യത.

പൊതുജനങ്ങളുടെ സൈബർ സുരക്ഷ ഉറപ്പുവരുത്തുന്നതിന്റെ ഭാഗമായാണ് മന്ത്രാലയത്തിന്റെ ഈ മുന്നറിയിപ്പ്. അത്യാവശ്യ ഘട്ടങ്ങളിലൊഴികെ, പ്രധാനപ്പെട്ട സാമ്പത്തിക ഇടപാടുകൾക്കും വ്യക്തിഗത വിവരങ്ങൾ കൈമാറ്റം ചെയ്യുന്നതിനും പൊതു വൈഫൈ ഒഴിവാക്കണമെന്നും, സുരക്ഷിതമായ നെറ്റ്വർക്കുകൾ മാത്രം ഉപയോഗിക്കണമെന്നും അധികൃതർ നിർദ്ദേശിച്ചു