കുവൈറ്റിൽ ശ്വാസകോശ രോഗങ്ങൾ ഉയർന്നുവെങ്കിലും ആശങ്കയില്ലെന്ന് ആരോഗ്യ മന്ത്രാലയം; 75% കേസുകളും ഇൻഫ്ലുവൻസ എ വൈറസ് മൂലം, വാക്സിനേഷൻ കാമ്പയിൻ ശക്തമായി മുന്നോട്ട്

കുവൈറ്റ്: രാജ്യത്ത് ശ്വാസകോശ സംബന്ധമായ രോഗങ്ങൾ ഉയർന്നുവരുന്നുണ്ടെങ്കിലും, അത് പ്രതീക്ഷിക്കപ്പെട്ട സീസണൽ നിരക്കിനുള്ളിലാണെന്ന് ആരോഗ്യ മന്ത്രാലയത്തിന്റെ ഔദ്യോഗിക വക്താവ് ഡോ. അബ്ദുല്ല അൽ-സനദ് അറിയിച്ചു.

ദേശീയ ഡിജിറ്റൽ പ്ലാറ്റ്‌ഫോമായ എംഫ്ലൂ (EmFlu) യുടെ വിവരങ്ങൾ പ്രകാരം, ഇപ്പോൾ രേഖപ്പെടുത്തിയ ശ്വാസകോശ രോഗങ്ങളിൽ 75 ശതമാനവും ഇൻഫ്ലുവൻസ എ (Influenza A) വൈറസാണ് കാരണം. ഇതോടൊപ്പം റെസ്പിരേറ്ററി സിൻസിഷ്യൽ വൈറസ് (RSV) ഉൾപ്പെടെ മറ്റ് സീസണൽ ബാക്ടീരിയൽ രോഗങ്ങളും കണ്ടെത്തിയതായി ഡോ. സനദ് പറഞ്ഞു.

ഡോ. സനദ് കൂട്ടിച്ചേർത്തത് പ്രകാരം, ദേശീയ സീസണൽ വാക്സിനേഷൻ കാമ്പയിൻ സജീവമായി തുടരുകയാണെന്നും, ആരംഭിച്ച് ഒരു മാസം കഴിഞ്ഞപ്പോൾ തന്നെ 67,000-ത്തിലധികം ആളുകൾക്ക് വാക്സിനേഷൻ ലഭിച്ചിട്ടുണ്ടെന്നും അറിയിച്ചു.

രാജ്യത്തെ 75-ൽ കൂടുതൽ കേന്ദ്രങ്ങളിൽ വാക്സിനേഷൻ സേവനം ലഭ്യമാണ്. കൂടാതെ, കൂടുതൽ ആളുകളിലേക്ക് സേവനം വ്യാപിപ്പിക്കുന്നതിനായി 15 പുതിയ കേന്ദ്രങ്ങൾ കൂടി ചേർത്തിട്ടുണ്ടെന്ന് മന്ത്രാലയം വ്യക്തമാക്കി.