അംഘാറയിലെ ഫാക്ടറി തീപിടിത്തം നിയന്ത്രണ വിധേയമാക്കി; ഏഴ് യൂണിറ്റു ഫയർ ഫോസുകൾ പങ്കെടുത്തു

കുവൈത്ത് സിറ്റി: അംഘാറ വ്യവസായ മേഖലയിലെ ഒരു ഫാക്ടറിയിൽ ഞായറാഴ്ച വൈകുന്നേരം ഉണ്ടായ വൻ തീപിടിത്തം ഏഴ് യൂണിറ്റുകൾ ചേർന്ന് വിജയകരമായി നിയന്ത്രണ വിധേയമാക്കി. സംഭവത്തിൽ ആർക്കും പരിക്കേറ്റിട്ടില്ല.

ലിബറേഷൻ, ജഹ്‌റ, ഖിർവാൻ, അൽ-അർദിയ, അൽ-ഇസ്നാദ്, അൽ-സുമുദ്, അപകടകരമായ വസ്തുക്കൾ (Hazardous Materials) എന്നീ യൂണിറ്റുകളിൽ നിന്നുള്ള അഗ്നിശമന സേനാംഗങ്ങളാണ് തീയണച്ചത്.

തീപിടിത്തം സംഭവിച്ച ഫാക്ടറിയിൽ അലുമിനിയം, ഫൈബർഗ്ലാസ്, ലിഥിയം ബാറ്ററികൾ എന്നിവ ഉണ്ടായിരുന്നു. എന്നാൽ, വിദഗ്ദ്ധമായ ഇടപെടലിലൂടെ തീ മറ്റ് ഭാഗങ്ങളിലേക്ക് പടരാതെ നിയന്ത്രണത്തിലാക്കാൻ സാധിച്ചു.

പബ്ലിക് ഫയർ ഫോഴ്‌സിലെ ബ്രിഗ്. ജനറൽ ഉമർ അബ്ദുൽ അസീസ് ഹമദ്, ബ്രിഗ്. ജനറൽ അബ്ദുള്ള ഹുസൈൻ അബ്ദുള്ള എന്നിവർ രക്ഷാപ്രവർത്തനങ്ങൾക്ക് നേതൃത്വം നൽകി.