കുവൈറ്റിലെ സാദ് അൽ-അബ്ദുല്ലയിൽ പൗരനെ കുത്തിക്കൊലപ്പെടുത്തിയ കേസിൽ പ്രതിയെ പ്രോസിക്യൂഷൻ കസ്റ്റഡിയിൽ വിട്ടു

കുവൈറ്റ് സിറ്റി: സാദ് അൽ-അബ്ദുല്ല പ്രദേശത്ത് മറ്റൊരു പൗരനെ കുത്തിക്കൊലപ്പെടുത്തിയ കേസിൽ പ്രതിയെ പബ്ലിക് പ്രോസിക്യൂഷൻ കസ്റ്റഡിയിൽ എടുക്കാൻ ഉത്തരവിട്ടു.

സംഭവസ്ഥലത്ത് ഉടൻ തന്നെ എത്തിയ പ്രോസിക്യൂട്ടർമാർ ഇൻസ്പെക്ഷൻ നടപടികൾ പൂർത്തിയാക്കുകയും മരിച്ചയാളുടെ മൃതദേഹം പരിശോധിക്കുകയും ചെയ്തു. 

കേസിൽ ആവശ്യമായ നടപടിക്രമങ്ങൾ പൂർത്തിയാക്കാൻ ക്രിമിനൽ തെളിവുകളുടെ ജനറൽ ഡിപ്പാർട്ട്‌മെന്റിനും ഫോറൻസിക് മെഡിസിൻ ഡിപ്പാർട്ട്‌മെന്റിനും പ്രോസിക്യൂഷൻ നിർദേശം നൽകിയിട്ടുണ്ട്.

പ്രതിക്കെതിരെ ചുമത്തിയ കുറ്റങ്ങളെക്കുറിച്ച് ചോദ്യം ചെയ്യൽ പൂർത്തിയാക്കി. നിലവിൽ നിയമപരമായ മറ്റ് നടപടികൾ പൂർത്തിയാക്കുന്നതിനായി അന്വേഷണങ്ങൾ തുടരുകയാണ്.