ജികെപിഎ കുവൈറ്റ് ചാപ്റ്റർ 2026 വാർഷിക കർമ്മപദ്ധതികൾ പ്രഖ്യാപിച്ചു

കുവൈറ്റ് സിറ്റി: ഗ്ലോബൽ കേരള പ്രവാസി അസോസിയേഷൻ (ജികെപിഎ) കുവൈറ്റ് ചാപ്റ്ററിന്റെ 2026-ലെ വാർഷിക കർമ്മപദ്ധതികൾ പ്രഖ്യാപിച്ചു. ഇതിന്റെ ഭാഗമായി എല്ലാ ഏരിയ കമ്മിറ്റികളുടെയും വളണ്ടിയർ ടീമിന്റെയും സംയുക്ത യോഗം അബ്ബാസിയയിലെ യുണൈറ്റഡ്‌ ഇന്ത്യൻ സ്കൂളിൽ സംഘടിപ്പിച്ചു.

വരും വർഷം മുഴുവൻ നീണ്ടുനിൽക്കുന്ന നിരവധി സമൂഹക്ഷേമ-പ്രവാസി കേന്ദ്രീകൃത പ്രവർത്തനങ്ങൾക്ക് തുടക്കം കുറിക്കുന്നതിനാണ് യോഗം ലക്ഷ്യമിട്ടത്.  ഏരിയ കമ്മിറ്റി അംഗങ്ങളെ കൂടാതെ എക്‌സ്-ഓഫീഷ്യോ അംഗങ്ങളും വളണ്ടിയർമാരും യോഗത്തിൽ സജീവമായി പങ്കെടുത്തു.

ജികെപിഎ കുവൈറ്റ് ചാപ്റ്റർ പ്രസിഡന്റ് ജസ്റ്റിൻ പി. ജോസ് അധ്യക്ഷത വഹിച്ച ചടങ്ങ് ജെനറൽ സെക്രട്ടറി ബിനു യോഹന്നാൻ സ്വാഗതവും അസോസിയേഷന്റെ സ്ഥാപക അംഗവും മുൻ ഗ്ലോബൽ ചെയർമാനുമായ മുബാറക് കാമ്പ്രത്ത്‌ മുഖ്യപ്രഭാഷണവും നടത്തി. സംഘടനയുടെ ലക്ഷ്യങ്ങളും ദൗത്യവും അദ്ദേഹം വിശദീകരിച്ചു.

സംഘടനയുടെ നാട്ടിലെ ജില്ലാ-സംസ്ഥാന കമ്മിറ്റികൾ കേരളത്തിൽ നടപ്പാക്കിയ വിവിധ പ്രവാസി ക്ഷേമ പ്രവർത്തനങ്ങളെക്കുറിച്ച് വനിതാ വിഭാഗം ചെയർപേഴ്സൺ അംബിളി നാരായണൻ വിശദീകരിച്ചു.

ഭാരവാഹികളായ മുജീബ് കെ.ടി, അഷ്റഫ് ചൊറോട്ട് (മഹബൂള ഏരിയ), അനിൽ ആനന്ദ് (മുൻ ട്രഷറർ), ശ്രീകുമാർ (മുൻ ജനറൽ സെക്രട്ടറി), റസിയത്ത് ബീവി, ടെസ്സി ബെന്നി (ജികെപിഎ ഇടുക്കി ജില്ലാ രക്ഷാധികാരി), മെനീഷ്‌ വാസ് & സജിനി വയനാട് (സാൽമിയ ഏരിയ), മാത്യു ജോൺ,

ലളിത കോഴിക്കോട്, ഉല്ലാസ് ഉദയാഭാനു (അബ്ബാസിയ ഏരിയ), അനീഷ് അബ്ദുൽ മജീദ്, സജിനി ബിജു (ഖൈത്താൻ ഏരിയ), ജലീൽ കോട്ടയം & ഗിരിജ ഒമനക്കുട്ടൻ (ഹവല്ലി ഏരിയ), പ്രീത തിരുവനന്തപുരം (മംഗഫ്‌ ഏരിയ), ജ്യോതി പാർവ്വതി, സുലൈഖ, അസ്മ (അബുഹലിഫ ഏരിയ), സബീന കൊല്ലം, മോഹനൻ അമ്പാടി എന്നിവർ ആശംസകൾ അർപ്പിച്ചു സംസാരിച്ചു.

അടിയന്തര സാമൂഹ്യപ്രതിബദ്ധതയുടെ ഭാഗമായി പദ്ധതി ജികെപിഎയുടെ സുസ്ഥിര സാമൂഹിക പ്രതിബദ്ധതയുടെ ഭാഗമായി, ഡിസംബർ 12-ന് കബ്ദ് പ്രദേശത്തെ തൊഴിലാളികൾക്ക് ബ്ലാങ്കറ്റുകളും വിന്റർ ജാക്കറ്റുകളും വിതരണം ചെയ്യുന്നതിന് വീണ്ടും ഒത്തുചേരാനും യോഗം തീരുമാനിച്ചു. മുജീബ് കെ.ടി. യോഗത്തിന് നന്ദിയും രേഖപ്പെടുത്തി.