പ്രതികൂല കാലാവസ്ഥ: കുവൈറ്റ് എയർവേയ്‌സ് ചില വിമാനങ്ങൾ വഴിതിരിച്ചുവിട്ടേക്കാം

കുവൈറ്റ് സിറ്റി: കുവൈറ്റ് ഇന്റർനാഷണൽ എയർപോർട്ടിൽ (Kuwait International Airport) എത്തിച്ചേരേണ്ട ചില വിമാനങ്ങൾ കാലാവസ്ഥ മെച്ചപ്പെടുന്നതുവരെ താൽക്കാലികമായി വഴിതിരിച്ചുവിടാൻ സാധ്യതയുണ്ടെന്ന് കുവൈറ്റ് എയർവേയ്‌സ് (Kuwait Airways) അറിയിച്ചു. 

നിലവിലെ കാലാവസ്ഥാ സാഹചര്യങ്ങൾ കണക്കിലെടുത്താണ് ഈ തീരുമാനമെന്നും, വിമാനങ്ങളുടെ സമയക്രമം (Arrivals and Departures) പുനഃക്രമീകരിക്കുന്നത് തുടരുമെന്നും വിമാനക്കമ്പനി വ്യക്തമാക്കി.

കുവൈറ്റിനെ ബാധിക്കുന്ന നിലവിലെ മോശം കാലാവസ്ഥയുടെ പശ്ചാത്തലത്തിലാണ് ഈ നടപടി. ടിക്കറ്റുകളിൽ നൽകിയിട്ടുള്ള യാത്രികരുടെ ബന്ധപ്പെടാനുള്ള വിവരങ്ങൾ അനുസരിച്ച് പുതിയ അപ്‌ഡേറ്റുകൾ അവരിലേക്ക് എത്തിക്കുമെന്നും കമ്പനി അറിയിച്ചു.

നിയന്ത്രണാതീതമായ ഈ സാഹചര്യത്തിൽ യാത്രക്കാർ നൽകുന്ന സഹകരണത്തിനും മനസ്സിലാക്കലിനും കുവൈറ്റ് എയർവേയ്‌സ് നന്ദി രേഖപ്പെടുത്തി.

വിശദവിവരങ്ങൾക്കും അന്വേഷണങ്ങൾക്കുമായി:
 * കുവൈറ്റിനുള്ളിൽ നിന്ന്: 171
 * കുവൈറ്റിന് പുറത്ത് നിന്ന്: +96524345555 (ext. 171)
 * വാട്ട്‌സ്ആപ്പ് സർവീസ്: +9651802050