കുവൈറ്റിൽ 589 മൊബൈൽ കാർട്ട് ലൈസൻസുകൾ റദ്ദാക്കി വാണിജ്യ മന്ത്രാലയം

കുവൈറ്റ്: മൊബൈൽ കാർട്ടുകൾക്കായുള്ള 589 ലൈസൻസുകൾ കുവൈറ്റ് വാണിജ്യ വ്യവസായ മന്ത്രാലയം (Ministry of Commerce) റദ്ദാക്കി. ഒരു വർഷത്തിൽ അധികമായി പുതുക്കാതെ കാലഹരണപ്പെട്ട ലൈസൻസുകളാണ് റദ്ദാക്കിയത്.

മാർക്കറ്റ് ശുദ്ധീകരിക്കുക, നിഷ്‌ക്രിയമായ ലൈസൻസുകൾ നീക്കം ചെയ്യുക, അതുപോലെതന്നെ അവസരങ്ങളും പിന്തുണയും ഗൗരവമായ സംരംഭകർക്ക് ലഭ്യമാക്കുക എന്നിവ ലക്ഷ്യമിട്ടുള്ള സമഗ്രമായ പരിശോധനയുടെ ഭാഗമായാണ് മന്ത്രാലയം ഈ നടപടി സ്വീകരിച്ചിരിക്കുന്നത്.