കുവൈറ്റിൽ റസ്റ്റോറന്റ്-ഭക്ഷണ വിതരണ മേഖലയിൽ പുതിയ നിയന്ത്രണങ്ങൾ; മന്ത്രാലയത്തിന്റെ കർശന നിർദ്ദേശങ്ങൾ

കുവൈറ്റ്: റസ്റ്റോറന്റുകളിൽ നിന്നുള്ള ഭക്ഷണ വിതരണവും (Food Delivery) ഓൺലൈൻ പ്ലാറ്റ്‌ഫോമുകൾ വഴിയുള്ള ഡെലിവറി സേവനങ്ങളും ക്രമീകരിക്കുന്നതിനായി പുതിയ നിയമാവലി പുറത്തിറക്കി.

 ഉപഭോക്താക്കൾക്കും സേവനദാതാക്കൾക്കും ഒരുപോലെ ഗുണകരമാകുന്ന രീതിയിലാണ് പുതിയ മാറ്റങ്ങൾ വിഭാവനം ചെയ്തിരിക്കുന്നത്.

ലൈസൻസുകളിൽ മാറ്റം: ഓൺലൈൻ പ്ലാറ്റ്‌ഫോമുകൾ വഴി ഡെലിവറി സേവനം നടത്തുന്ന സ്ഥാപനങ്ങൾ അവരുടെ ലൈസൻസ് പ്രവർത്തനങ്ങൾ 'ഡെലിവറി സർവീസ് മാനേജ്‌മെന്റ്' എന്ന രീതിയിലേക്ക് മാറ്റണം.

സേവന നിരക്കുകൾക്ക് പരിധി: ഡെലിവറി സേവനദാതാക്കളും ഉപഭോക്താക്കളും തമ്മിലുള്ള ഫീസുകളും കമ്മീഷനുകളും സംബന്ധിച്ച് വ്യക്തമായ നിബന്ധനകൾ ഉണ്ടാകും. 2026 അവസാനിക്കുന്നത് വരെ ഈ നിരക്കുകൾ നിശ്ചയിച്ചിട്ടുള്ള പരിധിയിൽ കൂടുതൽ വർദ്ധിപ്പിക്കാൻ പാടില്ല.

ഏകീകൃത ഇലക്ട്രോണിക് പ്ലാറ്റ്‌ഫോം: വാണിജ്യ മന്ത്രാലയത്തിന് കീഴിൽ ഈ മേഖലയിലെ പ്രവർത്തനങ്ങൾ നിരീക്ഷിക്കുന്നതിനും നിയന്ത്രിക്കുന്നതിനുമായി ഒരു കേന്ദ്രീകൃത ഇലക്ട്രോണിക് പ്ലാറ്റ്‌ഫോം നിലവിൽ വരും.

ഇത് പ്രവർത്തനങ്ങളിലെ സുതാര്യത ഉറപ്പാക്കാനും കൃത്യമായ സ്ഥിതിവിവരക്കണക്കുകൾ ശേഖരിക്കാനും സഹായിക്കുമെന്ന് അധികൃതർ വിക്തമാക്കി