ഗൾഫ് പ്രതിസന്ധി: കുവൈറ്റിലെ പ്രവാസി സമൂഹവുമായി ഇന്ത്യൻ അംബാസഡർ പരമിത ത്രിപാഠി കൂടിക്കാഴ്ച നടത്തി

കുവൈറ്റ്: കുവൈറ്റിലെ ഇന്ത്യൻ അംബാസഡർ പരമിത ത്രിപാഠി വിവിധ ഇന്ത്യൻ അസോസിയേഷൻ പ്രതിനിധികളും പ്രമുഖ വ്യക്തിത്വങ്ങളുൾപ്പെടെ നൂറോളം വരുന്ന പ്രവാസി സമൂഹവുമായി വെർച്വൽ കൂടിക്കാഴ്ച നടത്തി. 

മേഖലയിലെ നിലവിലെ സംഭവവികാസങ്ങളെക്കുറിച്ച് കമ്മ്യൂണിറ്റി അംഗങ്ങളെ വിശദീകരിച്ച അംബാസഡർ, കുവൈറ്റിലെ ഇന്ത്യൻ പൗരന്മാരുടെ സുരക്ഷയും ക്ഷേമവും ഉറപ്പാക്കുന്നതിൽ എംബസി പ്രതിജ്ഞാബദ്ധമാണെന്ന് വ്യക്തമാക്കി. 

അതോടൊപ്പം, ആവശ്യക്കാരെ സഹായിക്കുന്നതിനും ക്രിയാത്മകമായി ഇടപെടുന്നതിനും പ്രവാസി സമൂഹം പ്രകടിപ്പിക്കുന്ന സന്നദ്ധതയെ അവർ അഭിനന്ദിച്ചു. എംബസി ഉദ്യോഗസ്ഥരും ഈ ആശയവിനിമയ പരിപാടിയിൽ പങ്കെടുത്തു.