അവയവമാറ്റ ശസ്ത്രക്രിയയിൽ ഗൾഫ് രാജ്യങ്ങൾക്കിടയിൽ കുവൈത്ത് മുന്നിൽ; മസ്തിഷ്‌കമരണം സംഭവിച്ച രോഗികളിൽ നിന്നുള്ള അവയവദാനത്തിലും രാജ്യം മുൻനിരയിൽ തന്നെ !

കുവൈത്ത് സിറ്റി: അവയവമാറ്റ ശസ്ത്രക്രിയയിൽ നേട്ടം കൈവരിച്ച് കുവൈത്ത്. ഗൾഫ് രാജ്യങ്ങൾക്കിടയിൽ അവയവമാറ്റ ശസ്ത്രക്രിയയിൽ കുവൈറ്റാണ് മുൻനിരയിൽ. ഓർഗൻ ട്രാൻസ്പ്ലാന്റേഷൻ സൊസൈറ്റി പ്രസിഡണ്ട് ഡോ.തുർക്കി അൽ ഒതൈബി യാണ് ഇക്കാര്യം അറിയിച്ചത്.

ഹൃദയം മാറ്റിവയ്ക്കൽ പദ്ധതിയും കരൾ മാറ്റിവയ്ക്കൽ പദ്ധതിയുടെ പുനഃസജ്ജീകരണവും അവയവമാറ്റത്തിൽ കുവൈത്തിന്റെ കഴിവുകൾ വിപുലീകരിക്കുന്നതായും അദ്ദേഹം പറഞ്ഞു.

മസ്തിഷ്‌കമരണം സംഭവിച്ച രോഗികളിൽ നിന്നുള്ള അവയവദാനത്തിൽ കുവൈത്ത് ഉയർന്നു നിൽക്കുന്നു. 50 ശതമാനം വൃക്കരോഗ കേസുകൾക്കും കാരണം പ്രമേഹമാണ്. 30 ശതമാനം പ്രമേഹരോഗികൾക്കും വൃക്കരോഗം വരാനുള്ള സാധ്യതയുണ്ട്. ഇത് ആഗോള ജനസംഖ്യയുടെ 10 ശതമാനം പേരെ ബാധിക്കുന്നതായും ഡോ.അൽ ഒതൈബി പറഞ്ഞു.