കുവൈത്തിൽ കൊലക്കേസ് പ്രതികളുടെ വധശിക്ഷ നടപ്പാക്കി; വധശിക്ഷയ്ക്ക് വിധേയരായത് ഒരു സ്ത്രീ ഉൾപ്പെടെ ആറ് പേർ

കുവൈത്ത് സിറ്റി: കുവൈത്തിൽ കൊലക്കേസ് പ്രതികളായ ഒരു സ്ത്രീ ഉൾപ്പെടെ 6 പേരുടെ വധശിക്ഷ നടപ്പാക്കി. പബ്ലിക് പ്രോസിക്യൂഷൻ്റെ മേൽനോട്ടത്തിൽ ഇന്ന് രാവിലെ സെൻട്രൽ ജയിലിനകത്തെ കഴുമരത്തിലാണ് ഇവരെ തൂക്കി കൊന്നത്.

കൊല്ലപ്പെട്ടയാളുടെ ബന്ധുക്കൾ ടിയാ ധനം നൽകാൻ തയ്യാറായതിനെ തുടർന്ന് സുഹൃത്തിനെ കൊലപ്പെടുത്തിയ കേസിൽ ശിക്ഷിക്കപ്പെട്ട് ഇന്ന് വധ ശിക്ഷ നടപ്പിലാക്കാനിരുന്ന ഒരു സ്വദേശി വനിതയുടെ ശിക്ഷ അവസാന നിമിഷം റദ്ധാക്കി. 

ഒരു സ്ത്രീ ഉൾപ്പെടെ 3 സ്വദേശികളും 2 ഇറാനികളും ഒരു പാകിസ്ഥാനിയുമാണ് വധശിക്ഷക്ക് വിധേയരായത്. കഴിഞ്ഞ വർഷം ജൂലായ് 27 നാണ് രാജ്യത്ത് അവസാനമായി 5 പേരുടെ വധ ശിക്ഷ നടപ്പിലാക്കിയത്.

കൊലപാതകം, മയക്ക് മരുന്ന് കച്ചവടം, രാജ്യദ്രോഹം മുതലായ ഗുരുതരമായ കുറ്റകൃത്യങ്ങൾക്കാണ് കുവൈത്തിൽ വധശിക്ഷ വിധിക്കുന്നത്.