കുവൈറ്റിലെ ആദ്യപ്രകാശനം "മലയാളി മനസ്സിന്റെ പുണ്യ ദേവാലയങ്ങളിലൂടെ " ജൈത്ര യാത്ര തുടരുന്നു

കുവൈറ്റ്‌: കേരളത്തിലെ പള്ളികൾ -പുണ്യ ദേവാലയങ്ങളിലൂടെ ഒരു യാത്ര എന്ന പേരിൽ പ്രസിദ്ധീകരിച്ച മലയാളിമനസ്സിലെ പ്രിയപ്പെട്ട എഴുത്തുക്കാരി ലൗലി ബാബു തെക്കെത്തലയുടെ പുസ്തകത്തിന്റെ കുവൈറ്റിലെ പ്രകാശനം സെപ്റ്റംബർ 13 നു സാൽമിയ സെന്റ് സെബാസ്റ്റ്യൻ കുടുംബ യൂണിറ്റിന്റെ സമ്മേളനത്തിൽ വെച്ച് നടത്തപ്പെട്ടു. 

ചിങ്ങം ഒന്നിന് തൃശൂർ അതിരൂപതാ നെല്ലങ്കര ഇടവക വികാരിയും മേരി മാതാ സെമിനാരി പ്രൊഫസറുമായ റവ. ഡോക്ടർ ബിൽജോ വാഴപ്പള്ളി ഓൺലൈൻ പ്രകാശനം നടത്തിയിരുന്നു.

ബാബു പോളിന്റെ വീട്ടിൽ വെച്ച് നടത്തിയ യോഗത്തിൽ ലൗലി ബാബുവെഴുതിയ പുസ്തകത്തിന്റെ പ്രകാശന ചടങ്ങിനോടൊപ്പം കുവൈറ്റിൽ നിന്നും പ്രവാസം അയർലണ്ടിലേയ്ക്ക് പറിച്ചു നടുന്ന ജോമോൻ കോയിക്കരയ്ക്ക് സ്നേഹമസൃണമായ യാത്രയയപ്പും നൽകി.

എസ്എംസിഎ പ്രസിഡന്റ് ഡെന്നി തോമസ് കാഞ്ഞുപറമ്പിൽ കുവൈറ്റിലെ പ്രകാശനം നിർവഹിച്ചു. ഏരിയ ആക്ടിങ് കൺവീനർ ജോബി തോമസ് കുഴിമറ്റം, ഏരിയാ സെക്രട്ടറി ഷിന്റോ ജോർജ് കല്ലൂർ, ഏരിയ ട്രഷറർ ജോസ് മോൻ ജേക്കബ് മാളിയേക്കൽ, സോൺ-1ന്റെ കൺവീനർ സുനിൽ തൊടുക, റാഡിസ്സൺ ഹോട്ടൽ ഡയറക്ടർ ഓഫ് എഞ്ചിനീയർ ബാബു പോൾ തെക്കെത്തല, അഡ്വക്കേറ്റ് ബെന്നി നാല്പതാംകുളം, എന്നിവർ പ്രസംഗിച്ചു.

പുസ്തകം സ്പോൺസർ ചെയ്തിരിക്കുന്നത് ബാബു പോൾ തെക്കെത്തലയാണ്. കേരളത്തിലെ പള്ളികൾ - പുണ്യ ദേവാലയങ്ങളിലൂടെ ഒരു യാത്ര എന്ന പുസ്തകത്തിനു അവതാരിക മലയാളി മനസ്സ് യു എസ് എ ചീഫ് എഡിറ്റർ രാജു ജി ശങ്കരത്തിൽ എഴുതിയിരിക്കുന്നു.

 കുടുംബാംഗമായ ഫാദർ ജോഫി മഞ്ഞില, മലയാളി മനസ്സിൽ സ്ഥിരമായി എഴുതുന്ന പ്രൊഫസർ എ. വി. ഇട്ടി എന്നിവർ ആശംസകൾ നേർന്നിരിക്കുന്നു