ട്രാൻസ്ഫോർമർ സ്റ്റേഷനുകളിലെ അറ്റകുറ്റപ്പണി: കുവൈറ്റിലെ ആറ് ഗവർണറേറ്റുകളിൽ ഒക്ടോബർ 12 വരെ വൈദ്യുതി മുടങ്ങും

കുവൈറ്റ്‌: ആറ് ഗവർണറേറ്റുകളിലുടനീളമുള്ള നിരവധി സെക്കൻഡറി ട്രാൻസ്ഫോർമർ സ്റ്റേഷനുകളിൽ ശനിയാഴ്ച അറ്റകുറ്റപ്പണികൾ ആരംഭിക്കുമെന്ന് വൈദ്യുതി, ജലം, പുനരുപയോഗ ഊർജ മന്ത്രാലയം അറിയിച്ചു.

ഒക്ടോബർ 12 വരെ അറ്റകുറ്റപ്പണികൾ തുടരുന്നതിനാൽ വിവിധ പ്രദേശങ്ങളിൽ വൈദ്യുതി മുടങ്ങും. അറ്റകുറ്റപ്പണി പ്രവർത്തനങ്ങൾ രാവിലെ എട്ട് മണിക്ക് ആരംഭിക്കുമെന്നും നാല് മണിക്കൂർ നീണ്ടുനിൽക്കുമെന്നും മന്ത്രാലയം അറിയിച്ചു.