കുവൈറ്റിൽ ട്രാഫിക് നിയമലംഘകർക്ക് ഇനി കടുത്ത ശിക്ഷ, കരട് നിയമത്തിന് മന്ത്രിസഭയുടെ അംഗീകാരം

കുവൈറ്റ്: കർശനമായ ട്രാഫിക് പിഴ കരട് നിയമത്തിന് കുവൈറ്റ് മന്ത്രിസഭ അംഗീകാരം നൽകി. ആക്ടിംഗ് പ്രധാനമന്ത്രിയും പ്രതിരോധ-ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ-സബാഹിൻ്റെ അധ്യക്ഷതയിൽ ബുധനാഴ്ച നടന്ന പ്രതിവാര യോഗത്തിൽ നിയമം നമ്പർ 67-ലെ ചില വ്യവസ്ഥകൾ ഭേദഗതി ചെയ്യുന്ന കരട് നിയമത്തിന് മന്ത്രിസഭ അംഗീകാരം നൽകി. 

1976 ലെ ട്രാഫിക് നിയന്ത്രണങ്ങൾ സംബന്ധിച്ച് ഗുരുതരമായ ലംഘനങ്ങൾ നടത്തുന്നവർക്ക് തടവും പിഴയും ഉൾപ്പെടെയുള്ള ശിക്ഷകൾ വർധിപ്പിക്കാനാണ് കരട് നിയമം ലക്ഷ്യമിടുന്നത്. ട്രാഫിക് സിഗ്നലിലെ ചുവന്ന ലൈറ്റ് മറികടക്കുക അശ്രദ്ധമായി വാഹനമോടിക്കുക, പൊതുനിരത്തുകളിൽ അനധികൃത വാഹന ഓട്ടം നടത്തുക, പരമാവധി വേഗത പരിധി കവിയുക, ഹൈവേകളിൽ എതിരെ വാഹനമോടിക്കുക എന്നിവ ഇതിൽ ഉൾപ്പെടുന്നു. 

കരട് നിയമത്തിന് അംഗീകാരം നൽകാനും അത് രാജ്യത്തിൻ്റെ  അമീറിന്റെ പരിഗണനയ്ക്കും അംഗീകാരത്തിനുമായി സമർപ്പിക്കാനും മന്ത്രിസഭ തീരുമാനിച്ചു.